«Այաքս» – «Լիվերպուլ»։ Ռոբերտ Գասպարյանի կանխատեսումը
«Այաքսը» չկարողացավ կռիվ տալ իր հետ նույն խմբում ընդգրկված «Նապոլիի» հետ՝ երկու հանդիպման արդյունքում պարտվելով ընդհանուր 3-10 հաշվով։ 5-րդ տուրի մեկնարկից առաջ «Այաքսն» ունի երեք միավոր և խմբից երկրորդ տեղով դուրս գալու չափազանց փոքր հնարավորություններ։ «Լիվերպուլին» շրջանցելու համար «Այաքսը» պետք է հաղթի «Կարմիրներին» երկու կամ ավելի գնդակի տարբերությամբ և հուսա, որ լիվերպուլյան կողմը 6-րդ տուրում կպարտվի «Նապոլիին»: Այս պահին «Այաքսի» հոգեբանական վիճակը վատ չէ. Նեապոլում կրած պարտությունից հետո «Այաքսը» ներքին առաջնությունում 7։1 հաղթել է «Էքսելսիորին», իսկ «Վալվեյկին»՝ 4։1 հաշվով:
Ամստերդամում ոչ-ոքի գրանցելու դեպքում «Լիվերպուլը» դուրս կգա փլեյ-օֆֆ: Բայց նույնիսկ «Այաքսի» նկատմամբ հաղթանակը, ամենայն հավանականությամբ, չի օգնի մերսիսայդցիներին խմբում հաղթելու հարցում։ «Նապոլին» այժմ շատ լավ է հանդես գալիս, իսկ 5-րդ տուրում մրցակիցը «Ռեյնջերսն» է, այն էլ՝ Նեապոլում։ Այս սցենարով, «Այաքսի» նկատմամբ հաղթանակից հետո «Լիվերպուլը» պետք է «Էնֆիլդում» ջախջախի իտալացիներին չորս կամ ավելի գնդակի առավելությամբ: Չեմ զարմանա, եթե Կլոպն ավելի լավ կենտրոնանա խմբում երկրորդ տեղի վրա, որը ևս երաշխավորում է փլեյ-օֆֆը և կամաց-կամաց բարելավի բարդ իրավիճակը Պրեմիեր լիգայում։
Ինչպես ավելի վաղ նշեցի, «Այաքսի» դեմ ոչ-ոքին մրցաշարային առումով բավական է «Լիվերպուլին»։ Հասկանալի է, որ Կլոպը մաքսիմալիստ է, սակայն նա խելագար չէ և հիանալի հասկանում է, որ անիրատեսական է չորս գնդակով հաղթել ներկայիս «Նապոլիին», նույնիսկ՝ սեփական դաշտում, այնպիսի կադրային կորուստներով, ինչպիսին մերսիսայդցիներն ունեն։ Սա նշանակում է, որ Չեմպիոնների լիգայի A խմբում առաջին տեղ գրավելն իրատեսական չէ։ Մյուս կողմից, «Այաքսը» փորձառու և հավակնոտ թիմ է և հիշենք, որ առաջին տուրում «Լիվերպուլը» 1 գոլի առավելությամբ հաղթեց ամստերդամցիներին, ուստի անգլիական թիմի համար խնդիրներ եմ կանխատեսում Նիդեռլանդների մայրաքաղաքում։ Ընդհանուր առմամբ, չեմ զարմանա, եթե հանդիպումն ավարտվի ոչ-ոքի։ Կարող ենք գնալ ռիսկի ու կանխատեսել «Այաքսի» չպարտվելը։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: