«Ուլիսի»՝ պայմանավորված խաղեր կազմակերպելու մեջ մեղադրվող մարզիչն անմեղսունակ է ճանաչվել
Խաղադրույք կատարելու միջոցով ապօրինի շահույթ ստանալու` «Ուլիս-Երեւան» ֆուտբոլային ակումբի գլխավոր մարզչի օգնական Ռուբեն Առուշանյանն անմեղսունակ է ճանաչվել:
Առուշանյանի մասն առանձնացվել է ընդհանուր գործից եւ ուղարկվել Երեւանի Կենտրոն եւ Նորք Մարաշ վարչական շրջանների ընդհանուր իրավասության դատարան, տեղեկացնում է News.am-ը:
Ըստ մեղադրական եզրակացության` անմեղսունակ Ռուբեն Առուշանյանը կաշառվել է «Ուլիս 2» ֆուտբոլային ակումբի մարզիչ Գագիկ Սիմոնյանի, ֆուտբոլիստ Հայկ Հունանյանի, ինչպես նաև նշված ֆուտբոլային ակումբում հանդես եկող մարզամրցումների այլ մասնակիցների կողմից որպես կաշառք՝ առավելություններ և գումար պահանջելուն ու ստանալուն:
Առուշանյանին մեղադրանք է առաջադրվել Քրեական օրենսգրքի 38-201-րդ հոդվածի 3-րդ մասով: Նա կալանավորված է:
Նշենք, որ ակումբի մարզչի եւ մյուս աշխատակիցների մասով քրեական գործով նախաքննությունը նույնպես ավարտվել է, եւ գործն ուղարկվել դատարան:
Ըստ մեղադրական եզրակացության` Էդգար Պետրոսյանն «Ուլիս 2» ֆուտբոլային ակումբների մասնակցությամբ Հայաստանի ֆուտբոլային առաջնությունում կայանալիք հանդիպումների արդյունքների վրա ազդելու նպատակով, Ռուբեն Առուշանյանի միջոցով պայմանավորվածություն է ձեռք բերել ակումբի մարզիչ Գագիկ Սիմոնյանի եւ Հայկ Հունանյանի հետ` առանց վերջիններիցս գումար ստանալու, նախապես պայմանավորված խաղային իրադարձությունների վրա համացանցային կայքերում իր միջոցներով խաղադրույքներ կատարելու եղանակով նրանց առավելություններ տրամադրելու, ինչպես նաեւ դրա արդյունքում առաջացած գումարներով կաշառք տալու վերաբերյալ:
Ակումբի ադմինիստրատոր Արա Ազարյանն էլ օժանդակել է մարզիչ Գագիկ Սիմոնյանի, ֆուտբոլիստ Հայկ Հունանյանի, ինչպես նաեւ նշված ֆուտբոլային ակումբում հանդես եկող մարզամրցումների այլ մասնակիցների կողմից որպես կաշառք առավելություններ եւ գումար պահանջելուն ու ստանալուն:
Ակումբի մարզիչ Գագիկ Սիմոնյանն ու ֆուտբոլիստ Հայկ Հունանյանն էլ արհեստավարժ մարզամրցումների արդյունքների վրա ազդելու նպատակով որպես կաշառք պահանջել ու ստացել են առավելություններ եւ գումար:
Էդգար Պետրոսյանին մեղադրանք է առաջադրվել Քրեական օրենսգրքի 201-րդ հոդվածի 1-ին մասով, Արա Ազարյանին` 38-201-րդ հոդվածի 3-րդ մասով, Գագիկ Սիմոնյանին եւ Հայկ Հունանյանին` 201-րդ հոդվածի 3-րդ մասով: Պետրոսյանը, Ազարյանն ու Սիմոնյանը ստորագրությամբ ազատ են արձակվել, իսկ Հունանյանը` գրավի դիմաց:
Գործը կքննվի Երեւանի Կենտրոն եւ Նորք Մարաշ վարչական շրջանների ընդհանուր իրավասության դատարանում:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: