Յոան Գուֆրանը ժամանակավորապես դադարեցրել է կարիերան
Ֆրանսիացի կիսապաշտպան Յոան Գուֆրանը ժամանակավորապես դադարեցրել է կարիերան և հեռացել «Արարատ-Արմենիայից»։ Երևանյան ակումբը հայտարարությամբ է հանդես եկել այդ կապակցությամբ։
«Ափսոսանքով հայտնում ենք, որ մեր թիմի ավագ, կիսապաշտպան Յոան Գուֆրանը ընտանեկան խնդիրների պատճառով ստիպված է եղել վերադառնալ հայրենիք և այս պահի դրությամբ ժամանակավորապես կասեցնել իր ֆուտբոլային գործունեությունը։
Մեր ակումբը անչափ շնորհակալ է հանրաճանաչ ֆուտբոլիստից՝ մեր հրավերը ընդունելու և մեր ընտանիքի մասնիկը դառնալու համար։ Գուֆրանը պրոֆեսիոնալիզմով, նվիրումով և անհատական բացառիկ հատկանիշներով օժտված ֆուտբոլիստ է, ով իր ամենօրյա աշխատանքով հիանալի օրինակ էր ծառայում հատկապես ակումբի երիտասարդ ֆուտբոլիստների համար։
Մեր ակումբի կազմում Գուֆրանը մասնակցել է 50 հանդիպման՝ դառնալով 2 գոլի և 1 գոլային փոխանցման հեղինակ, դարձել Հայաստանի չեմպիոն։ «Արարատ-Արմենիայի» դռները միշտ բաց կլինեն քեզ համար։ Մենք քեզ հետ ենք, ավա՛գ»,- նշված է ակումբի հաղորդագրությունում։
Յոան Գուֆրանը 2020թ. փետրվարին ազատ գործակալի կարգավիճակում էր միացել «Արարատ Արմենիային», իսկ այս տարվա ամռանը մինչև 2022թ․ հունիսի 30-ը երկարաձգել էր գործող պայմանագիրը։ Նախկինում նա հանդես է եկել նաև ֆրանսիական «Կանում», «Բորդոյում», անգլիական «Նյուքասլում» և թուրքական «Գյոզտեպեում»։
«Բորդոյի» կազմում Յոան Գուֆրանը դարձել է Ֆրանսիայի չեմպիոն, գավաթակիր և կրկնակի սուպերգավաթակիր:
VBET Հայաստանի Պրեմիեր լիգա. Բուքմեյքերները նվազեցրել են «Արարատ-Արմենիան» չեմպիոնության գործակիցը
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: