Վիրջինիա նահանգում պաշտոնապես օրինականացրել են ֆենթեզի-սպորտը

Ինչպես տեղեկացնում է CalvinAyre-ը, Վիրջինիայի նահանգապետ Թերրի Մաքոլիֆֆը ստորագրել է SB 646 օրինագիծը, որով օրինականացնում է նահանգի տարածքում ամենօրյա ֆենթեզի-սպորտը: Փետրվարի վերջին փաստաթուղթը հաստատել էր նահանգի Գլխավոր Ասամբլեան:

Համաձայն նոր օրենքի՝ ֆենթեզիի օպերատորները պարտավոր են գրանցման համար $50 հազար վճարել եւ ապահովել խաղերին միայն չափահասների մասնակցությունը: Ինչպես նաեւ նրանք պարտավորվում են ամենամյա հաշվետվություն ներկայացնել տեղի Գյուղատնտեսության վարչությանը:

«Վիրջինիան դարձել է երկրում ֆենթեզի-օպերատորների հետաքրքրությունները պաշտպանող առաջին նահանգը, որն ընդունել է իրավական հիմքը: Մենք շնորհակալ ենք նահանգապետ Մաքոլիֆֆին եւ հույս ունենք, որ երկրի մյուս նահանգներում կհետեւեն Վիրջինիայի օրինակին: Մենք շարունակում ենք աշխատանքը, որպեսզի հաջողության հասնենք տասնյակ նահանգներում»,- DraftKings ֆենթեզի-օպերատորի ներկայացուցչի խոսքերն է փոխանցում The Verge-ը:

Բացի այդ, մարտի յոթին սենատոր Ջիմ Ուիլանը Նյու-Ջերսի նահանգում ամենօրյա ֆենթեզի-սպորտի օրինականացման եւ կարգավորման վերաբերյալ օրինագիծ է ներկայացրել: S 1927 փաստաթղթում նշված է, որ ֆենթեզի-օպերատորները եկամուտի 9.25%-ի չափով հարկ կվճարեն: