Եղիշե Մելիքյանը 6 ամիս անընդմեջ արժանացել էր «լավագույն մարզիչ» կոչմանը։
Հայաստանի ֆուտբոլի ֆեդերացիան ամփոփել է «VBET Հայաստանի Պրեմիեր լիգայի՝ 2021/2022 մրցաշրջանի լավագույն ֆուտբոլիստ» և «VBET Հայաստանի Պրեմիեր լիգայի՝ 2021/2022 մրցաշրջանի լավագույն մարզիչ» անվանակարգերում քվեարկության արդյունքները:
Հավաքելով 58 միավոր` լավագույն ֆուտբոլիստ է ճանաչվել մրցաշրջանը «Փյունիկում» անցկացրած և վերջերս «Արարատ-Արմենիա» տեղափոխված պորտուգալացի հարձակվող Ուգո Ֆիրմինուն։
56 միավորով երկրորդ տեղում է մրցաշրջանը «Արարատում» և «Փյունիկում» անցկացրած կոտդիվուարցի հարձակվող Սերժ Դեբլեն:
28 միավորով երրորդ տեղում է Հայաստանի ազգային հավաքականի և «Արարատի» պաշտպան Հրայր Մկոյանը:
VBET Հայաստանի Պրեմիեր լիգայի՝ 2021/2022 մրցաշրջանի լավագույն մարզիչ է ճանաչվել նորընծա չեմպիոն Երևանի «Փյունիկի» գլխավոր մարզիչ Եղիշե Մելիքյանը, որը հավաքել է 97 միավոր։
61 միավորով երկրորդ տեղը զբաղեցրել է Հայաստանի գավաթակիր դարձած «Նորավանքի» գլխավոր մարզիչ Վահե Գևորգյանը:
27 միավորով լավագույն եռյակը եզրափակել է նախորդ մրցաշրջանում «Արարատ-Արմենիան» գլխավորած, իսկ ներկայումս «Ուրարտուն» գլխավորող Դմիրի Գունկոն:
VBET ՀՊԼ։ Ո՞վ կստանա մրցաշրջանի լավագույնի մրցանակը, գործակիցներ