Արման Ծառուկյանը UFC-ում է հանդես գալիս 2019 թվականից:
UFC-ում հանդես եկող ռուսաստանցի մարտիկ Արման Ծառուկյանը խառը մենամարտերում հաջորդ մենամարտը կանցկացնի 2022 թվականի փետրվարի 26-ին: ԱՄՆ-ում անցկացվելիք UFC Fight Night մրցաշարում 25-ամյա Ծառուկյանի մրցակիցը կլինի իսպանացի Խոել Ալվարեսը, որը խառը մենամարտերում անցկացրել է 21 հանդիպում, տարել 19 հաղթանակ ու կրել 2 պարտություն:
Vbet բուքմեյերական ընկերության մասնագետները ֆավորիտ են համարում Ծառուկյանին, որի հաղթանակի համար սահմանվել է 1.31 է գործակից: Ալվարեսի հաղթանակի գործակիցը 3.45 է:
Հիշեցնենք, որ հայ մարտիկը նախորդ մենամարտն անցկացրել է սեպտեմբերի 18-ին Լաս Վեգասում, որտեղ նոկաուտով հաղթել էր ամերիկացի Խրիստոս Գիագոսին: Խառը մենամարտերում Ծառուկյանը տարել է 17 հաղթանակ և կրել 2 պարտություն։ UFC-ի վարկանիշային աղյուսակում նա 13-րդ տեղում է: Իսպանացին 21-րդն է: