Տոկիո-2020. Մեդալային հաշվարկում հաղթեց ԱՄՆ-ը, Հայաստանը 69-րդն է
Ճապոնիայի մայրաքաղաք Տոկիոյում ավարտված 32-րդ ամառային Օլիմպիական խաղերի ընդհանուր մեդալային հաշվարկում հաղթեց ԱՄՆ-ի հավաքականը:
Ամերիկացիները միայն վերջին օրը շրջանցեցին Չինաստանին և 39 ոսկե, 41 արծաթե ու 33 բրոնզե մեդալով գրավեցին առաջին տեղը:
Երկրորդ տեղը զբաղեցրած Չինաստանը նվաճեց 38 ոսկե, 32 արծաթե ու 18 բրոնզե մեդալ: Լավագույն եռյակը եզրափակեցին ճապոնացիները՝ 27 ոսկե, 14 արծաթե, 17 բրոնզե մեդալ:
17 մասնակցով մրցավայր մեկնած Հայաստանի հավաքականը ելույթն ավարտեց 2-ական արծաթե ու բրոնզե մեդալով և 69-րդ տեղը գրավեց մեդալային հաշվարկում: Հայաստանի ներկայացուցիչներից արծաթե մեդալներ նվաճեցին հունահռոմեական ոճի ըմբիշ Արթուր Ալեքսանյանը (97 կգ) և ծանրորդ Սիմոն Մարտիրոսյանը (109 կգ), իսկ բռնցքամարտիկ Հովհաննես Բաչկովը (63 կգ) և սպորտային մարմնամարզիկ Արթուր Դավթյանը (հենացատկի վարժություն) դարձան բրոնզե մեդալակիր:
Տոկիո-2020-ում 205 ազգային օլիմպիական կոմիտեների ներկայացուցիչներ 33 մարզաձևերում վիճարկեցին մեդալների 339 հավաքածուներ:
Հիշեցնենք, որ նախորդ՝ Ռիո-2016 Օլիմպիական խաղերում Հայաստանը նվաճել էր 1 ոսկե ու 3 արծաթե մեդալ և 42-րդ տեղն էր գրավել մեդալային հաշվարկում:
Հաջորդ Օլիմպիական խաղերը 2024 թվականին կընդունի Ֆրանսիայի մայրաքաղաք Փարիզը:
Տոկիո-2020. Մեդալային հաշվարկի բացահայտ ֆավորիտը
Քանի՞ մեդալ կնվաճի Հայաստանը Տոկիո-2020-ում. Բուքմեյքերները խաղադրույքներ են սահմանել
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: