Թայվանի բասկետբոլի հավաքականի նախկին խաղացողը ձերբակալվել է անօրինական գեմբլինգի համար

Կազինո այցելելու սերը հարձակվողի համար խնդիրներ ստեղծեծ

Ցզյան Ցզյա-Հունը (լուսանկարում) ոստիկանության թիրախը դարձած ստորգետնյա անօրինական կազինոյի 18 անդամների թվում էր: Կազինոն բնակելի տներից մեկում էր: 15 ձերբակալվածները, որոնց թվում էր ազգային հավաքականի եւ տեղի պրոֆեսիոնալ Pure Youth ակումբի նախկին բասկետբոլիստը, մեղադրվում են անօրինական խաղի մեջ: Մնացած երեքը կասկածվում են կազինոյի կազմավորման աշխատանքներում, նրանց սպառնում է քրեական պատասխանատվություն:

28-ամյա խաղացողը (հայտնի է ծանր հարձակվողի եւ կենտրոնականի դիրքում ելույթներով) ազատ է արձակվել՝ վճարելով 3 հազար թայվանական դոլար (մոտ $100) տուգանք: Ոստիկանության ներկայացուցիչների խոսքերով՝ հավաքականի նախկին խաղացողը $2.5 հազար փոխանակել է խաղաքարերի հետ եւ պարտվել մոտ $1500: Անօրինական կազինոն խուզարկելու արդյունքում հայտնաբերվել է 8 միլիոն թայվանական դոլարի ($240 հազար) խաղաքարեր, ինչպես նաեւ չեքեր եւ $80 հազար կանխիկ:

Ցզյան Ցզյա-Հունը Թայվանի հավաքականում խաղացել է 2010-2012 թթ.: 2009-ին նա անգամ թեկնածությունն է դրել NBA-ի դրաֆթում (ի դեպ, անարդյունք): Տեղի Pure Youth ակումբում հարձակվողը խաղացել է վերջին վեց մրցաշրջաններում:

Ակումբի ղեկավարությունը զարմացել էր ազարտային խաղերում 28-ամյա մարզիկի մասնակցությունից: Թիմի մենեջերը հայտարարել է. «Եթե մեր թիմի խաղացողները ներգրավվում են ազարտային խաղերում, մենք անհապաղ խզում ենք պայմանագիրը: Այդ պատճառով էլ ես զարմացած եմ լսել այդ ամենին Ցզյանի մասնակցության մասին: Բայց մեր թիմին հասցվել է բարոյական վնաս, մենք դատարան կդիմենք: