7-րդ տուրում «Ռեալն» իր առաջին միավորները կորցրեց ընթացիկ առաջնությունում:
FiveThirtyEight նախագծի սուպերհամակարգիչը կանխատեսում է արել Իսպանիայի ընթացիկ առաջնության վերաբերյալ, հայտնում է Marca-ն:
Սուպերհամակարգչի հաշվարկներով, Մադրիդի «Ռեալն» ու կատալոնական «Բարսելոնան» Լա լիգայում կհավաքեն 84-ական միավոր, սակայն խփած ու բաց թողած գոլերի տարբերությամբ չեմպիոն կհռչակվեն կատալոնացիները:
Հիշեցնենք, որ նախորդ տարի FiveThirtyEight-ը կանխատեսել էր «Արքայական ակումբի» չեմպիոնությունն ու չէր սխալվել: Մադրիդյան գրանդը պատմության մեջ 35-րդ անգամ դարձել էր Իսպանիայի չեմպիոն:
7-րդ տուրից հետո «Ռեալն» ու «Բարսելոնան» վաստակել են 19-ական միավոր. իսպանացի Չավիի գլխավորած թիմն առաջատարն է խփած ու բաց թողած գոլերի տարբերության շնորհիվ: