Սելարայանը Հայաստանի հավաքականի 2-րդ ամենաբարձր տրանսֆերային արժեքով խաղացողն է
MLS-ի չեմպիոն ամերիկյան «Կոլամբուս Քրյուի» կիսապաշտպան Լուկաս Սելարայանը Հայաստանի ազգային հավաքականի երկրորդ ամենաբարձր տրանսֆերային արժեքով ֆուտբոլիստն է:
Արգենտինայում ծնված հայկական արմատներ ունեցող 29-ամյա ֆուտբոլիստի տրանսֆերային գինը Transfermarkt-ը գնահատում է 10 միլիոն եվրո:
Այդ ցուցանիշով առաջատարն է Հայաստանի հավաքականի ավագ, իտալական «Ռոմայի» կիսապաշտպան Հենրիխ Մխիթարյանը, որի տրանսֆերային արժեքը 15 միլիոն եվրո է:
Երրորդ տեղում գերմանական «Հոֆենհայմի» հարձակվող Սարգիս Ադամյանն է` 3.5 միլիոն եվրո տրանսֆերային արժեքով: 4-5-րդ տեղերը բաժանում են ռուսական «Ռոստովի» կիսապաշտպան Խորեն Բայրամյանը և ղազախական «Աստանայի» հարձակվող Տիգրան Բարսեղյանը՝ 2.5-ական միլիոն եվրո:
MLS-ի ընթացիկ մրցաշրջանում Լուկաս Սելարայանը մասնակցել է 25 հանդիպման, դարձել 7 գոլի ու 2 գոլային փոխանցման հեղինակ: Կիսապաշտպանը 2020 թվականից է հանդես գալիս «Կոլամբուս Քրյուի» կազմում: Նախկինում Սելարայանը խաղացել է նաև արգենտինական «Բելգրանոյում» (2012-2015) և մեքսիկական «Տիգրեսում» (2016-2020):
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: