«Ռայոլայի հեղափոխությունը «Ռեալի» ճանապարհին է», – հենց այսպես է վերնագրել Marca-ն իր նյութերից մեկը:
Ըստ հեղինակավոր պարբերականի՝ «Ռեալն» իր կազմն առաջիկա ամռանը կթարմացնի Ռայոլայի ֆուտբոլիստներով կամ նրանցից գոնե մեկով: Նշվում է, մասնավորապես, 3 անուն. Էրլինգ Հալանդ, Մատեյս դե Լիխտ և Պոլ Պոգբա: 3 ֆուտբոլիստներն էլ, որոնց գործակալը Ռայոլան է, գտնվում են մադրիդյան ակումբի ուշադրության կենտրոնում:
«Ռեալը» արժանի փոխարինող է փնտրում Սերխիո Ռամոսին, որի թեկնածուն Մատեյս դե Լիխտն է: Պոլ Պոգբային «Արքայական ակումբը» դեռ նախորդ ամռանն էր ցանկանում գնել, իսկ Էրլինգ Հալանդը կարող է բարձրացնել թիմի արդյունավետությունը, որից ընթացիկ մրցաշրջանում երկրպագուները դժգոհ էին:
Ավելի վաղ Ռայոլան հայտարարել էր, որ ցանկանում է հաճախորդներից գոնե մեկին տեսնել «Ռեալում»: