«Ռեալ», «Բարսելոնա», թե՞ «Լիվերպուլ». ուր կտեղափոխվի Մբապեն․ Բուքմեյքերները տվել են պատասխանը
Ֆրանսիայի հավաքականի հարձակվող Կիլիան Մբապեն հոգնել է ՊՍԺ-ում։ Նա արդեն զգուշացրել է ֆրանսիական ակումբի ղեկավարությանը, որ չի երկարաձգելու մինչև հաջորդ տարվա հունիսի 30-ը նախատեսված գործող պայմանագիրը։ Հիմա շեյխերը մտածում են, թե ինչ է պետք անել ֆրանսիացու հետ։ Կա երկու տարբերակ՝ կամ Կիլիանը մեկ տարուց կհեռանա անվճար, կամ էլ կփոխի ակումբը հիմա, բայց մեծ գումարի դիմաց։ Դեռևս հայտնի չէ, թե որ տարբերակն է հետաքրքրում ակումբի ղեկավարներին։ Հարձակվողը դեմ չէ ևս մեկ մրցաշրջան անցկացնել Ֆրանսիայում։
PaddyPower բուքմեյքերական ընկերությունը խաղադրույքներ է ընդունում, թե որտեղ կարիերան կշարունակի Մբապեն։ Նրան սպասում են Մադրիդում։ «Ռեալը» վաղուց է սկսել «որսը» ֆրանսիացու հետևից։ Եթե Կիլիանը որոշի տեղափոխվել «Սանտիագո Բեռնաբեու», ապա կաշխատի առաջարկված 1,66 գործակիցը։ Այդ տրանսֆերի ավանականությունը 60 տոկոս է։
Տարբերակներից մեկն էլ «Լիվերպուլն» է Մբապեի համար։ Յուրգեն Կլոպը գովաբանում էր ֆրանսիացուն հարցազրույցների ժամանակ։ Հիմա որոշում կայացնելու հերթը Կիլիանինն է։ Մերսիսայդցիներին կայուն հարձակվող է պետք։ Այն, որ Մբապեն կվերցնի ճամպրուկներն ու կգնա «Էնֆիլդ», գնահատվում է 7,00 գործակցով։ Հավանականությունը կազմում է 14 տոկոս։
«Բարսելոնան» օպտիմալացնում է բյուջեն։ Կատալոնացիները նույնիսկ կրճատել են Լիոնել Մեսիի աշխատավարձը, որպեսզի համապատասխանեն սահմանափակումներին։ Պարզ չէ՝ ինչպես են կապտանռնագույնները գումար գտնելու Մբապեի աշխատավարձի ու տրանսֆերի համար։ Բուքմեյքերները 15,00 գործակցով են գնահատում այդ տարբերակը, իսկ հավանականությունը կազմում է 6 տոկոս։ Ի՞նչ եք կարծում, ուր կտեղափոխվի «Ոսկե գնդակի» ապագա հաղթողը։
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: