Հայաստանի քննչական կոմիտեն նախաքննություն է սկսել ֆուտբոլի Առաջին խմբի առաջնության հանդիպումներից մեկի վերաբերյալ, որը, ըստ ՈւԵՖԱ-ի զեկույցի, պայմանավորված բնույթ է կրել:
Քննչական կոմիտեն նախաքննություն է սկսել առաջին խմբի պայմանավորված խաղի վերաբերյալ
Հայաստանի ֆուտբոլի ֆեդերացիայի նախագահ Ռուբեն Հայրապետյանի դիմումի փաստով նախաքննություն է սկսվել 2017 թվականի նոյեմբերի 20-ին կայացած «Լոռի» — «Էրեբունի» խաղի վերաբերյալ, որն ավարտվել է «Լոռիի» 5:0 հաշվով հաղթանակով:
Հայաստանի ֆուտբոլի ֆեդերացիան հանդիպման պայմանավորված լինելու վերաբերյալ զեկույց է ստացել ՈւԵՖԱ-ի կողմից, որում մասնագետները վերլուծության են ենթարկել ամբողջ խաղի ընթացքն ու դրա վրա կատարված խաղադրույքները։
Փաստի առթիվ հարուցվել է քրեական գործ՝ ՀՀ քրեական օրենսգրքի 201 հոդվածի 1-ին և 3-րդ մասերի (արհեստավարժ մարզամրցումների և հանդիսադիր առևտրային մրցույթների մասնակիցներին ու կազմակերպիչներին կաշառելը) հատկանիշներով: