«Մանչեսթեր Յունայթեդի» ղեկավարությունը վերջին հնարավորությունն է տվել Ուլե-Գունար Սուլշերին, որը 3 հանդիպում ունի իրավիճակը շտկելու համար:
Բրիտանական բուքմեյքերական գրասենյակները գործակիցներ են սահմանել, թե Անգլիայի առաջնության ակումբներից որը հաջորդը կհեռացնի գլխավոր մարզիչին:
Ըստ մասնագետների՝ հեռացվածների ցուցակում հաջորդը կլինի «Մանչեսթեր Յունայթեդի» գլխավոր մարզիչ Ուլե-Գունար Սուլշերը: Նորվեգացի մասնագետի պաշտոնանկությունը գնահատվում է 1.44 գործակցով:
Սուլշերին հաջորդում է «Լեսթերը» գլխավորող Բրենդան Ռոջերսը: Եթե Պրեմիեր լիգայի ակումբների գլխավոր մարզիչներից հաջորդը զբաղեցրած պաշտոնից հեռացվի հյուսիսիռլանդացի մասնագետը, կաշխատի 7.50 գործակցով խաղադրույք:
Daily Mail-ի համաձայն՝ «Մանչեսթեր Յունայթեդի» ֆուտբոլիստները դժգոհ են Ուլե-Գունար Սուլշերի մարզչական շտաբի աշխատանքից։ Նշվում է, որ 12 տարի անց մանչեսթերյան ակումբ վերադարձած պորտուգալացի հարձակվող Կրիշտիանու Ռոնալդուն զարմացած է մարզչական ցածր ստանդարտներից և պահանջներից: