Ֆուտբոլային ասոցացիաների միջազգային խորհուրդը (IFAB) հայտարարել է ֆուտբոլի կանոններում փոփոխություններ կատարելու մասին, որոնք ուժի մեջ կմտնեն 20/21 մրցաշրջանից։
Մասնավորապես՝այսուհետ ձեռքով խաղի որոշումը կանցնի թևատակերի երկայնքով, իսկ գնդակի պատահական հպումը հարձակվող ֆուտբոլիստի ձեռքին խախտում կհամարվի միայն այն դեպքում, եթե դա տեղի է ունեցել անմիջապես գոլից կամ գոլային պահից առաջ։
Փոփոխություններ են կատարվել նաև խաղից դուրս իրավիճակը որոշելու կանոնում։ Հիմա, եթե պաշտպանվող թիմի ֆուտբոլիստը դիտավորյալ խաղացել է ձեռքով, որի արդյունքում գնդակը հասել է մրցակցին, հարձակվող ֆուտբոլիստը չի համարվի խաղից դուրս վիճակում։
IFAB-ը անդրադարձել է նաև VAR-ին՝ շեշտելով, որ տեսակրկնապատկերների մրցավարները կարող են խորհուրդներ տալ գլխավոր մրցավարին, սակայն վերջնական որոշումը կայացնողը գլխավոր մրցավարն է։