Պաշտոնական. Մեսին հեռանում է «Բարսելոնայից»
Արգենտինայի հավաքականի հարձակվող Լիոնել Մեսին հեռանում է «Բարսելոնայից»: Կատալոնական ակումբը հանդես է եկել հայտարարությամբ՝ նշելով, որ 34-ամյա ֆուտբոլիստը չի կնքի նոր պայմանագիր:
«Թեև «Բարսելոնան» ու Մեսին համաձայնության էին հասել նոր պայմանագրի հարցում, սակայն իսպանական լիգայի կանոնադրությունում ամրագրված ֆինանսական և կառուցվածքային խոչընդոտների պատճառով պայմանագիրը հնարավոր չի լինի ստորագրել։
Այս իրավիճակի պատճառով Մեսին չի մնա «Բարսելոնայում»։ Կողմերը հիասթափված են, որ խաղացողի ու ակումբի ցանկությունները կյանքի չեն կոչվի։
«Բարսելոնան» շնորհակալություն է հայտնում ֆուտբոլիստին ակումբի զարգացման գործում ավանդի համար և մաղթում նրան լավագույնը անձնական կյանքում ու պրոֆեսիոնալ կարիերայում»,- նշվում է ակումբի հայտարարությունում։
Հիշեցնենք, որ հուլիսի 1-ից «Բարսելոնայի» ավագը ստացել է ազատ գործակալի կարգավիճակ: Մեսին 2005 թվականից էր հանդես գալիս կատալոնացիների գլխավոր թիմում, որի կազմում անցկացրել է 778 հանդիպում, դարձել 672 գոլի ու 305 գոլային փոխանցման հեղինակ: «Բարսելոնայի» հետ արգենտինացին նվաճել է 35 տիտղոս:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: