«Լիվերպուլի» կազմում վնասվածք ստացած ֆուտբոլիստների քանակը հասել է 13-ի: Paddy Power սկանդալային բուքմեյքերը չկարողացավ բաց թողնել Յուրգեն Կլոպի թիմին ծաղրելու այդքան «հաճելի» հնարավորությունը:
Հենց այդ «դաժան» բանները
Paddy Power-ի կրեատիվ ուղեղները Լիվերպուլի կենտրոնում տեղադրել են կարմիր անվասայլակով եւ թիմի երկրպագուների հանրահայտ «You’ll never walk alone» («Դու երբեք չես լինի միայնակ») արտահայտությամբ մեծ բաններ: ԲԿ-ից սկանդալների սիրահարները նաեւ ավելացրել են հստակեցում՝ փակագծերում եւ շատ փոքր տառատեսակով գրելով «Or ever again if you play for Klopp». Այսինքն՝ եթե նախադասությունը թարգմանենք բառացիորեն, ապա կստացվի՝ «Դու երբեք չես քայլի միայնակ (կամ ընդհանրապես չես լինի)՝ խաղալով Կլոպպի թիմում»:
Ինչեւէ, մռայլ գիշերների վերաբերյալ սադրիչ հումորներն արդեն չափազանց են: «Լիվերպուլի» որոշ խելագար երկրպագուներ զայրացած Մոլոտովի կոկտեյլներ են պատրաստում եւ քարտեզի վրա փնտրում են բուքմեյքերի կենտրոնական գրասենյակի հասցեն: Այնուամենայնիվ պետք է նշել, որ ընկերությունը իրավիճակից շատ խելացի օգտվեց: Վերջին մեկ ամսվա ընթացքում «կարմիրների» հիվանդասենյակում անհավատալի արդյունք գրանցվեց: Հիմա խաղերին չեն կարողանում մասնակցել 13 ֆուտբոլիստներ՝ ներառյալ Կլոպպի խաղային սխեմայի համար ծայրահեղ կարեւոր հարձակվողական կիսապաշտպան Ֆիլիպպե Կոուտինյոն, ով վնասվածք ստացավ «Սթոքի» հետ գավաթային խաղի ժամանակ:
Տեսնենք, թե ինչպես է «Լիվերպուլը» դուրս գալու ստեղծված իրավիճակից: Թիմի օրացույցը մինչեւ հունվար լի է խաղերով (երեք խաղ ԱՊԼ-ում եւ Լիգայի գավաթի պատասխան խաղը «Սթոքի» դեմ), իսկ պահեստայինների նստարանը զգալիորեն կրճատվել է: