«Ոսկե գնդակ 2024»։ Ովքե՞ր են գլխավոր ֆավորիտները
Եվրո-2024-ից հետո բուքմեյքերները թարմացրել են «Ոսկե գնդակի» թեկնածուների գործակիցները:
Ըստ բուքմեյքերների՝ «Ոսկե գնդակի» գլխավոր թեկնածուն Մադրիդի «Ռեալի» ու Բրազիլիայի հավաքականի հարձակվող Վինիսիուս Ժունիորն է։ 24-ամյա ֆուտբոլիստի՝ մրցանակը ստանալու դեպքում կաշխատի 2․25 գործակցով խաղադրույք։
Երկրորդ տեղում Իսպանիայի ազգային հավաքականի և անգլիական «Մանչեսթեր Սիթիի» կիսապաշտպան Ռոդրին է, որն օրերս դարձավ Եվրոպայի չեմպիոն: 28-ամյա ֆուտբոլիստի հաղթանակի գործակիցը 2․50 է։ Ռոդրին ճանաչվել էր նաև Գերմանիայում կայացած Եվրո-2024-ի լավագույն ֆուտբոլիստ։
Լավագույն եռյակը եզրափակում է «Արքայական ակումբի» մեկ այլ ներկայացուցիչ՝ անգլիացի Ջուդ Բելինգեմը, որի հաղթանակի գործակիցը 7․00 է:
Ինտեր «Մայամիի» ու Արգենտինայի հավաքականի հարձակվող Լիոնել Մեսիի հաղթանակի գործակիցը 19․00 է։ Անգլիական «Մանչեսթեր Սիթիի» կիսապաշտպան Ֆիլ Ֆոդենի, «Ռեալի» ու Գերմանիայի հավաքականի արդեն նախկին կիսապաշտպան Տոնի Կրոսի ու Ֆրանսիայի ազգային հավաքականի ու «Ռեալի» նորեկ Կիլիան Մբապեի հաղթանակի դեպքում կաշխատի 34․00 գործակցով խաղադրույք։
2023/24 մրցաշրջանի լավագույն ֆուտբոլիստի` «Ոսկե գնդակի» հանձնման արարողությունը տեղի կունենա հոկտեմբերի 28-ին Փարիզի Chatelet թատրոնում։
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: