Եզրափակիչի անցկացման օրն ու ժամը չի փոխվել:
ՈւԵՖԱ-ի գործադիր կոմիտեի արտահերթ նիստում որոշում է կայացվել փոխել Չեմպիոնների լիգայի եզրափակիչի անցկացման վայրը ռուս-ուկրաինական պատերազմի պատճառով:
Եվրոպական ակումբային ֆուտբոլի ամենահեղինակավոր մրցաշարի եզրափակիչ հանդիպումը Սանկտ Պետերբուրգի փոխարեն կկայանա Փարիզի «Ստադ դը Ֆրանս» մարզադաշտում:
«ՈւԵՖԱ-ն շնորհակալություն է հայտնում Ֆրանսիայի Հանրապետության նախագահ Էմանուել Մակրոնին անձնական աջակցության և նման ճգնաժամի ընթացքում Չեմպիոնների լիգայի եզրափակիչի հանդիպումը Ֆրանսիայում անցկացնելու որոշման համար»,- ասված է ՈՒԵՖԱ-ի հայտարարությունում:
Հիշեցնենք, որ Չեմպիոնների լիգայի եզրափակիչը կկայանա մայիսի 28-ին: