Ո՞ր երկիրը դուրս կգա Եվրոմիությունից հաջորդը․ Vivaro-ն խաղադրույք է ընդունում

Արամ Սահակյան

2016 թվականի հունիսի 23-ին Մեծ Բրիտանիայում անցկացվեց հանրաքվե, որի արդյունքում քվեարկողների 51,9 տոկոսը կողմ քվեարկեցին Մեծ Բրիտանիայի Եվրոմիությունից դուրս գալուն։ Համապատասխան կարգավորումներից հետո պարզ դարձավ, որ Մեծ Բրիտանիան պաշտոնապես կլքի ԵՄ-ն 2019-ի մարտի 29-ին։

Ո՞ր երկիրը կլքի ԵՄ-ն հաջորդը։

Այս պահին միջազգային հարթակում շատ են քննարկվում նաև այլ երկրների ԵՄ-ի շարքերը լքելու հնարավորությունները։ Այս ամենի համատեքստում մեր գործընկեր Vivaro բուքմեյքերական ընկերությունը մինչև տարեվերջ խաղադրույքներ է ընդունում, թե որ երկիրը կհաջորդի Մեծ Բրիտանիային և կլքի Եվրոպական միությունը։

Նշեմ, որ այս պահին անդամ երկրների թիվը 28 է։ Մեծ Բրիտանիան այլևս չի հանդիսանում ԵՄ անդամ պետություն, սակայն այս պահին ԵՄ-ի և Մեծ Բրիտանիայի միջև ընթանում են համապատասխան բանակցություններ վերջինիս կառույցից դուրս գալու համար։ Հունիսին տեղի ունեցավ բանակցությունների հերթական փուլը, իսկ հոկտեմբերին կկնքվի համաձայնագիր, որով էլ կազդարարվի ՄԲ-ի ԵՄ-ից դուրս գալը։

Ամենահավանական տարբերակը Մեծ Բրիտանիային հաջորդելու Իտալիան է։ Նրանց ԵՄ-ից դուրս գալու համար սահմանված է 3,0 գործակիցը։ Հաջորդը Հունաստանն է։ 2008 թվականի համաշխարհային տնտեսական ճգնաժամի էպիկենտրոնը համարվող երկրի ԵՄ շարքերը լքելու շանսերը գնահատվել է 5,0 գործակցով։ 6,0 գործակից են ստացել Չեխիան և Լեհաստանը։

Շվեդիայի ԵՄ-ից դուրս գալը գնահատվել է 11,0 գործակցով, Հունգարիայինն ու Ֆրանսիայինը՝ 13,0-ով։ Հատկանշական է, որ անդամ 28 երկրներից ամենաանհավանականը համարվում են Մալթայի, Սլովակիայի, Բելգիայի, Լիտվայի, Էստոնիայի, Խորվաթիայի և Սլովենիայի ԵՄ շարքերը լքելու հնարավորությունները։ Սահմանված է 81,0 գործակիցը։ ԵՄ անդամ ամենափոքր պետություններից մեկի՝ Լյուքսեմբուրգի լքելու համար սահմանված է 151,0 գործակիցը։

Հիշեցնենք, որ ԵՄ-ն քաղաքական-տնտեսական միություն է 28 անդամ երկրներով, որոնք մեծապես գտնվում են Եվրոպայում։