Մեսին՝ տարվա լավագույն ֆուտբոլիստ․ Goal.com-ի հարցման արդյունքները

Բուքմեյքերների Ռեյտինգ

«Ոսկե գնդակի» 6-ակի դափնեկիրն առաջ է անցել Կրիշտիանու Ռոնալդուից։

Արգենտինայի հավաքականի և ֆրանսիական ՊՍԺ-ի հարձակվող Լիոնել Մեսին Goal.com հեղինակավոր կայքի հարցման արդյունքում ճանաչվել է 2021 թվականի աշխարհի լավագույն ֆուտբոլիստ։ Հարցմանը մասնակցել է 14 միլիոն մարդ։

Նախորդ տրանսֆերային պատուհանի ընթացքում կատալոնական «Բարսելոնայից» ՊՍԺ տեղափոխված 34-ամյա Մեսին ստացել է ձայների 53.3 տոկոսը։

Երկրորդ տեղում հայտնվել է 12 տարի անց անգլիական «Մանչեսթեր Յունայթեդ» վերադարձած պորտուգալացի ռմբարկու Կրիշտիանու Ռոնալդուն, իսկ լավագույն եռյակը եզրափակել է Մյունխենի «Բավարիայի» և Լեհաստանի հավաքականի հարձակվող Ռոբերտ Լևանդովսկին։

Լավագույն տասնյակում ընդգրկվել են նաև Մոհամեդ Սալահը («Լիվերպուլ», Եգիպտոս), Կիլիան Մբապեն (ՊՍԺ, Ֆրանսիա), Էրլինգ Հոլանդը («Բորուսիա Դորտմունդ», Նորվեգիա), Քարիմ Բենզեման («Ռեալ», Ֆրանսիա), Նգոլո Կանտեն («Չելսի», Ֆրանսիա), Կևին Դե Բրույնեն («Մանչեսթեր Սիթի», Բելգիա) և Նեյմարը (ՊՍԺ, Բրազիլիա)։