Մարզչական փոփոխություններ՝ հայկական ակումբներում
Միլան Միլանովիչը հեռացել է Հայաստանի չեմպիոն «Ալաշկերտի» գլխավոր մարզիչի պաշտոնից։ Սերբ մասնագետի պայմանագրի ժամկետն ավարտվել է։ Երևանյան ակումբից հեռացել է նաև նրա օգնական Վլադիմիր Պրոչիկևիչը, հաղորդում է ակումբի մամուլի ծառայությունը։
«Ալաշկերտի» գլխավոր մարզիչի պաշտոնում Միլան Միլանովիչին փոխարինել է Արամ Ոսկանյանը, որը նախորդ երկու տարիներին գլխավորում էր ղազախական «Ատիրաուն»։
Ոսկանյանի մարզչական շտաբում ընդգրկվել են նաև Մանուկ Սարգսյանը և ֆիզպատրաստության մարզիչ Հայկ Ոսկանյանը։
46-ամյա մասնագետն «Ալաշկերտը» գլխավորել է նաև 2017-2019-ին, աշխատել է նաև «Միկա», «Ուրարտու» ակումբներում և Հայաստանի Մ-19 հավաքականում։
Երևանի «Արարատի» գլխավոր մարզիչ Վարդան Բիչախչյանը հրաժարական է տվել: Ակումբի ղեկավարության հետ հանդիպումներից հետո որոշում է կայացվել փոխադարձ համաձայնությամբ պայմանագիրը խզելու մասին:
Վարդան Բիչախչյանը 2020 թվականի ամռանն էր գլխավորել «Արարատը»: Գյումրեցի մասնագետի գլխավորությամբ երևանյան ակումբը 13 տարի անց դարձավ Հայաստանի գավաթակիր և մեկ փուլ հաղթահարեց եվրագավաթներում: Ակումբից հեռացել են նաև Բիչախչյանի օգնականներ Ֆելիքս Խոջոյանն ու Արթուր Հովհաննիսյանը:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: