Սպարտակ Պետրոսյան

Marathonbet բուքմեյքերական ընկերությունը դարձել է իսպանական Պրիմերայում հանդես եկող «Մալագա» ֆուտբոլային ակումբի պաշտոնական հովանավորը:

Պայմանագիրը կնքված է երկու տարով

Marathonbet-ը ՖԱ «Մալագայի» հետ կնքել է երկու տարվա պայմանագիր, հայտնում է ակումբի պաշտոնական կայքը:

Պայմանագրի համաձայն՝ բուքմեյքերի լոգոտիպը հայտնվել է իսպանական թիմի խաղային և մարզումային շապիկների դիմային կողմում: Ընկերության բրենդը կգովազդվի նաև ակումբի` 30 հազար հանդիսական տեղավորող «Լա Ռոսալեդա» մարզադաշտում:

«Բուքմեյքերների Ռեյտինգին» հայտնի է դարձել, որ պայմանագրի համաձայն՝ համագործակցությունը կարող է երկարաձգվել ևս մեկ տարով:

«Մենք շատ ուրախ ենք աշխատել հարյուրամյա պատմությամբ և ավանդույթներով հարուստ իսպանական հեղինակավոր ակումբներից մեկի հետ: Այս համագործակցությունը խորհրդանշում է վերջին տարիներին Marathonbet-ի հաջողությունը եվրոպական շուկայում, և հիմնավորում է իսպանացի հաճախորդներին լավագույն գործակիցներ, հիասքանչ ծառայություններ և սպորտային խաղադրույքների ունիկալ փորձ մատուցելու մեր ձգտումները»,- գործարքի մասին լուրը մեկնաբանել է ընկերության գլխավոր տնօրեն Վիկտոր Հովվմանը:

Նրա խոսքերով՝ բուքմեյքերը մտադիր է իր իսպանացի հաճախորդներին առաջարկել բացառիկ կոնտենտ, հատուկ մրցանակներ և շահավետ առաջարկներ խաղադրույքների համար:

«Մալագան» համագործակցության ոլորտում բարձր ստանդարտներով ակումբ է, որը աշխատում է միայն հեղինակավոր, աշխարահռչակ, ակումբի երկրպագուներին ամենալավ որակի ծառայություններով ապահովող բրենդների հետ»,- հայտարարել է ՖԱ «Մալագայի» նախագահ շեյխ Աբդուլա Ալ Տանին:

Նշենք, որ Marathonbet.es-ը գործարկվել է Իսպանիայում, 2016-ի հունվարին:

Marathonbet-ը համարվում է անգլիական «Մանչեսթեր Յունայթեդի» և շոտլանդական «Հիբերնիան» ակումբների հովանավորը:

Կարդացեք նաև ակումբների և բուքմեյքերների համագործակցության վերաբերյալ մեր հարցազրույցը Vivaro բուքմեյքերական ընկերության մարքեթինգի գծով տնօրեն Արմեն Սուքիասյանի հետ: