Կառլոս Ալկարասին մեղադրել են պայմանավորված մրցախաղեր անցկացնելու մեջ
«Ուտկին, Նոբել և Մալենկով» բուքմեյքերական ընկերության նախկին սեփականատեր Միխայիլ Զալցմանն իսպանացի թենիսիստ Կառլոս Ակարասին մեղադրել է կասկածելի մրցախաղեր անցկացնելու մեջ:
Ձեռնարկատերը նամակ է ուղարկել ATP-ին, Իսպանիայի թենիսի ֆեդերացիային, Մադրիդի «Մասթերս» մրցաշարի կազմկոմիտեին և Իսպանիայի դատախազությանը: «Росбалт»-ի տեղեկություններով՝ Զալցմանը համոզիչ ապացույցներ ունի, որ աշխարհի երրորդ ռակետը կապված է խաղադրույքների միջոցով անօրինական գումար վաստակող խմբի հետ:
«Վերջին շրջանում շատերը նախընտրում են այսպես կոչված live խաղադրույքները։ Ալկարասը վերջին երկու մրցախաղերում սեփական մատուցումները, որոնք կարող էին վճռորոշ լինել, ձախողել է: Մրցախաղի ընթացքում խաղադրույքներ կատարողները նման դեպքերում մեծ գումարներ են դնում վերջին հատվածում, երբ Ալկարասի՝ հաղթելու հավանականության գործակիցը ցածր է լինում»,- հայտնել է Զալցմանը:
Գործարարի խոսքով՝ նման իրավիճակներում խաղադրույքներ կատարողների կորցրած գումարներն անցել են խաբեբաների ձեռքը:
Հիշեցնենք, որ 20-ամյա թենիսիստը Մադրիդում այս օրերին ընթացող «Մասթերսի» քառորդ եզրափակիչում պարտվել էր ռուս Անդրեյ Ռուբլյովին:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: