Հավակնորդների մրցաշարի ֆավորիտներն՝ ըստ բուքմեյքերների
Կանադայի Տորոնտո քաղաքում այսօր կմնեկնարկի շախմատի աշխարհի չեմպիոնի Հավակնորդների մրցաշարը, որին կմասնակցի 8 գրոսմայստեր:
Բուքմեյքերական ընկերությունները մրցաշարի ֆավորիտ են համարում ԱՄՆ ներկայացուցիչ Ֆաբիանո Կարուանային, որի հաղթանակի գործակիցը 3.00 է: Ֆավորիտների թվում են նաև ԱՄՆ ներկայացուցիչ Հիկարու Նակամուրան և ռուսաստանցի Յան Նեպոմնյաշչին: Երկու շախմատիստների հաղթանակի դեպքում էլ կաշխատի 4.20 գործակցով խաղադրույք:
Ֆրանսիայի ներկայացուցիչ Ալիռեզա Ֆիրուջայի հաղթանակի գործակիցը 7.00 է, հնդիկ Ռամեշբաբու Պրագնանադհայինը 8.50, Դոմարաջու Գուկեշինը՝ 10.00: Հնդկաստանի մեկ այլ ներկայացուցիչ՝ Վիդիտ Գուջրատիի հաղթանակի գործակիցը 15.00 է:
Ամենաանհավանականը ադրբեջանցի Նիջաթ Աբասովի հաղթանակն է (70.00):
Առաջին տուրում կկայանան հետևյալ մրցախաղերը՝ Ֆաբիանո Կարուանա (ԱՄՆ) — Հիկարու Նակամուրա (ԱՄՆ), Ալիռեզա Ֆիրուջա (Ֆրանսիա) — Ռամեշբաբու Պրագնանադհա (Հնդկաստան), Դոմարաջու Գուկեշ (Հնդկաստան) — Վիդիտ Գուջրատի (Հնդկաստան), Նիջաթ Աբասով (Ադրբեջան) — Յան Նեպոմնյաշչի (Ռուսաստան)։
Ապրիլի 4-ին կայանալիք պարտիաները կմեկնարկեն Երևանի ժամանակով 22:30-ին։
Հիշեցնենք, որ Հավակնորդների մրցաշարի հաղթողը շախմատային թագը կվիճարկի աշխարհի գործող չեմպիոն, չինացի Դին Լիրենի հետ։
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: