Դոմեյններ գրանցող Afilias-ը հայտարարել է ազարտային խաղերի շուկայի համար բարձր դասի .BET նոր դոմեյնի ստեղծման մասին: Դրամախաղային ոլորտը ստացել է սեփական ունիկալ դոմեյն, հաղորդում է CalvinAyre-ը:
Բեթինգ-բիզնեսը ինտերնետում սեփական պաշտոնական դոմեյնն է ստացել
Բարձր դասի նոր դոմեյնը նախատեսված է ազարտային խաղերի ոլորտի ընկերությունների համար՝ ներառյալ բուքմեյքերական գրասենյակները, օնլայն-կազինոները եւ այլն: Պաշտոնական հայտարարությունում Afilias-ը հայտնել է, որ նոր դոմեյնը ինտերնետ-այցելուներին շատ հստակ կտեղեկացնի կայքի ուղղվածության մասին: Ինչպես նաեւ .BET դոմեյնը իդեալական է մարքեթինգային խնդիրները լուծելու եւ պարզապես հիշելու համար:
Սկզբում նոր դոմեյնով սեփական ռեսուրսները գրանցելը հնարավոր կլինի ազարտային խաղերի ոլորտի ապրանքանիշների ղեկավարների համար (ներառյալ բուքմեյքերինգը), ովքեր կհաստատեն իրենց իրավունքները մինչեւ ընթացիկ տարվա փետրվարի 4-ը: Փետրվարի 8-12-ը դոմեյնային հասցեների վաճառքը կկայանա աճուրդով: Մեկնարկում ազատ դոմեյնները կլինեն առավելագույն գնով: Հետո նրանց արժեքը աստիճանաբար կփոքրանա՝ կախված պահանջարկից: Բաց գրանցումը կսկսվի մարտի երեքից:
«Նոր դոմեյնը ազարտային խաղերի ոլորտի ընկերությունների համար իդեալական ինտերնետային հասցե է: Սպորտային խաղադրույքներից մինչեւ կազինո, բոլոր օպերատորներ կարող են օգուտ քաղել .BET նոր բարձրադաս դոմեյնից»,- ասել է Afilias-ի մարքեթինգային տնօրեն Ռոլանդ ԼաՊլանտը: