Ֆրանսիայի կառավարությունը սպորտում պայմանավորված խաղերի դեմ պայքարի նպատակով թողարկել է օնլայն-խաղադրույքների կառավարման տեխնիկական սխեմա, հաղորդել է Ֆրանսիայի սպորտի նախարարության գլխավոր քարտուղար Թյերի Բրայարը:
Պլատֆորմը կհամախմբի բոլոր հետաքրքրված կողմերին
Նոր գործիքը իրենից ներկայացնում է ինտերնետ-սխեմա, որը բացառիկ ալգորիթմների օգնությամբ կհավաքի տեղական եւ արտասահմանյան բուքմեյքերներում սպորտային օնլայն-խաղադրույքների մասին տվյալները: Այն պետական կառավարման տարբեր օրգաններին, սպորտային կազմակերպություններին եւ բուքմեյքերներին թույլ կտա արդյունավետ փոխանակվել տվյալներով, հաղորդում է Radio Australia-ն:
«Այս պլատֆորմը կհամախմբի բոլոր հետաքրքրվող կողմերին եւ թույլ կտա ապահովագրել սպորտը հանդիպումների արդյունքների մանիպուլյացիաներից»,- հայտնել է Բրայարը:
Օնլայն-կառավարման նոր մեխանիզմի ստեղծումը ոչ միայն ֆրանսիական իշխանությունների, այլեւ Եվրոպայի Խորհուրդի նախաձեռնությունն է, որի՝ սպորտում կոռուպցիայի դեմ պայքարի մասին կոնվենցիան ստորագրվել է Ֆրանսիայում, 2014-ի հոկտեմբերին: