Ֆերդինանդ․ «Մրցաշրջանը պետք է չեղարկել ու վերախաղարկել»
«Մանչեսթեր Յունայթեդի» նախկին պաշտպան Ռիո Ֆերդինանդը հայտարարել է, որ Պրեմիեր լիգայի ընթացիկ մրցաշրջանը հարկավոր է չեղարկել ու վերախաղարկել կորոնավիրուսի համաճարակի պատճառով ստեղծված իրավիճակի ֆոնին։
«Նման իրավիճակներն ստիպում են հասկանալ, թե որքան կարևոր են ընտանիքը, հարազատները, սպորտը․․․ Մենք ամեն դեպքում պետք է հասկանանք, որ ֆուտբոլը խաղ է՝ անկախ նրանից, թե ինչպիսի ընկալում ունի այն հասարակության մեջ։
Վստահ եմ, որ եթե առաջիկա մի քանի շաբաթների ընթացքում փոփոխություն չլինի իրավիճակում, պետք է մրցաշրջանը չեղարկվի ու վերախաղարկվի։
Շատերը կասեն, թե ես սա ասում եմ նրա համար, որ չեմ ուզում՝ «Լիվերպուլը» չեմպիոն դառնա, բայց ես կասեմ, որ եթե իմ թիմն էլ լիներ նման իրավիճակում, ես կմտածեի մարդկանց առողջության, այլ ոչ սեփական շահերի մասին։
Պետք է չեղարկվի մրցաշրջանը և վերջ։ Դրանից հետո կլինեն մարդիկ, որոնք կնեղանան ու կլինեն նրանք, որոնք բավարարված կզգան։ Ոչ ոք չի կարող չեմպիոնություն նվաճել այս իրավիճակում, ու փաստը սա է»,- BT Sport-ը փոխանցում է Ֆերդինանդի խոսքը։
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: