ՈւԵՖԱ-ն ցանկանում է Չեմպիոնների լիգայի այս տարվա խաղարկության հանդիպումները անցկացնել օգոստոսին:
RMC Sport-ի փոխանցմամբ, Չեմպիոնների լիգայի 1/8 եզրափակիչի «Յուվենտուսի» ու «Լիոնի» միջև պատասխան հանդիպումը նախատեսվում է անցկացնել օգոստոսի 8-ին՝ հետևելով սանիտարական բոլոր նորմերին։
ՊՍԺ-ի առաջին հանդիպումը 1/4 եզրափակիչում կարող է կայանալ օգոստոսի 10-ին, 11-ին կամ 12-ին։
Այս մասին ՈւԵՖԱ-ն հայտնել է եվրոպական ակումբների ղեկավարների հետ հանդիպման ժամանակ՝ ընդգծելով, որ ազգային առաջանությունը պետք է ավարտվեն հուլիսի վերջին, որպեսզի հասցնեն անցկացնել նաև եվրագավաթային խաղերը։
Դեռևս հստակ տեղեկություն չկա մրցաշարի ձևաչափի փոփոխության վերաբերյալ. բացառված չէ, որ երկխաղյա դիմակայությունների չլինեն ու հաղթողը որոշվի մեկ հանդիպմամբ։