Բուքմեյքերները խաղադրույքներ են ընդունում Բրեդ Փիթի հաջորդ կնոջ վերաբերյալ

Համաձայն Bovada բուքմեյքերական ընկերության գործակիցների, եթե Բրեդ Փիթն ամուսնալուծվի Անջելինայից, ապա նրա հաջորդ հարսնացուն, ամենայն հավանականությամբ, դերասանուհի կլինի: Այդ իրադարձության գործակիցը 1.76 է: Բացի դերասանուհուց, ցանկացած այլ մասնագիտություն ունեցող կնոջ շանսերը գնահատվում են 1.9 գործակցով:

Անջելինա Ջոլին դեռևս չի մեկնաբանել որոշումը մամուլում: Բրեդ Փիթն իր հերթին հայտարարել է, որ շատ տխուր է, սակայն հիմա կարևորն ընտանիքի բարեկեցությունն է:

Լրագրողները փորձում են գտնել պատճառները, որոնք դրդել են Ջոլիին բաժանվել, այդպիսով համաշխարհային պարբերականները հավաքել են բոլոր շշուկները և նրան մոտ կանգնած մարդկանց մեկնաբանությունները:

Մի շարք լրատվականների կարծիքով՝ Բրեդ Փիթը պատրաստ չի եղել ընտանեկան կյանքին, վերջին շրջանում խնդիրներ է ունեցել ալկոհոլի և թմրանյութերի հետ, դադարել է կառավարել սեփական էմոցիաները:

Այլ տարբերակների համաձայն՝ դերասանը սիրավեպի մեջ է: Մասնավորապես, դեռևս մայիսին մամուլում շշուկներ տարածվեցին, որ շուտով էկրաններ բարձրացող ֆիլմում Բրեդ Փիթի և նրա խաղընկերուհի Մարիոն Քոթիյարի միջև, հնարավոր է, հարաբերությունները դուրս են եկել գործնականի սահմաններից: Ճիշտ է՝ Քոթիյարը կտրուկ հերքել է այդ լուրերը:

This wins the day #Brangelina pic.twitter.com/qWIDY701Dy

— Rob Stone (@RobStoneONFOX)

Փիթի և Ջոլիի ամուսնալուծության մասին լուրերի ֆոնին բոլորը հիշեցին Ջենիֆեր Էնիսթոնին, ում հետ դերասանն ամուսնացած էր 2000-2005 թթ.: Այնուամենայնիվ, նա ինքն է հիշեցրել իր մասին՝ իրադարձությունն անվանելով կարմա:

Ջոլին և Փիթը միասին էին 2004 թվականից: 2014-ին նրանք պաշտոնապես ամուսնացել էին: