Բուքմեյքերները խաղադրույքներ են ընդունում BBC-ի եթերում Գարի Լինեկերի անդրավարտիքի գույնի վերաբերյալ
Գարի Լինեկերը խոստացել էր «Լեսթերի» չեմպիոն դառնալու դեպքում եթեր դուրս գալ անդրավարտիքով
«Եթե «Լեսթերը» չեմպիոն դառնա, ես Match of the Day հաղորդման հաջորդ եթերաշրջանի առաջին թողարկմանը կլինեմ միայն անդրավարտիքով»,- դեկտեմբերի 15-ին իր թվիթերյան էջում գրել էր Լինեկերը:
YES! If Leicester win the @premierleague I’ll do the first MOTD of next season in just my undies.
— Gary Lineker (@GaryLineker) December 14, 2015
«Լեսթերը» չեմպիոն հռչակվեց մայիսի 2-ին, երբ «Տոտենհեմը» «Չելսիի» հետ ոչ-ոքի խաղաց եւ կորցրեց ոսկե մեդալները նվաճելու բոլոր շանսերը: Մնացած խաղերում Կլաուդիո Ռանյերիի ֆուտբոլիստները հաստատել են մրցաշրջանի լավագույն թիմի կարգավիճակը՝ 3:1 հաշվով հաղթելով «Տոտենհեմին» եւ ոչ-ոքի 1:1 խաղալով «Չելսիի» հետ:
Իռլանդական Paddy Power բուքմեյքերական ընկերության գործակիցների համաձայն՝ եթեր դուրս գալիս Լինեկերի անդրավարտիքի ամենահավանական գույնը կապույտն է. այդ տարբերակի վրա կարելի է խաղադրույք կատարել 1.25 գործակցով: Հավանական է, որ բնիկ լեսթերցի եւ «աղվեսների» դպրոցի սան Լինեկերն այդ պարագայում կընդգծի ակումբի խորհրդանիշներում գերակշռող կապույտ գույնը:
Խաղադրույք կատարել, որ փորձագետի ներքնազգեստը կլինի սպիտակ, կարելի է 6.0 գործակցով, սեւ գույնը ստացել է 7.0 գործակիցը: Կանաչ եւ կարմիր գույների հավանականությունը գնահատվում է 13.0 եւ 19.0 գործակիցներով համապատասխանաբար: Աութսայդեր է նարնջագույնը, որով Լինեկերի եթեր դուրս գալու համար սահմանված է 51.0 գործակցով:
Լայնույթն ուժի մեջ է մինչեւ հուլիսի 14-ը, երբ եթեր է դուրս գալու 2016/17 թթ.-ում Match of the Day-ի առաջին թողարկումը:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: