Բուքմեյքերները խաղադրույքներ են սահմանել Մեսիի՝ ՊՍԺ-ում ելույթների վերաբերյալ
Կատալոնական «Բարսելոնայի» նախկին ավագ Լիոնել Մեսիի՝ ֆրանսիական ՊՍԺ տեղափոխությունից հետո SkyBet բուքմեյքերական գրասենյակը խաղադրույքներ է սահմանել փարիզյան ակումբում արգենտինացի հարձակվողի ելույթների վերաբերյալ:
Օրինակ՝ եթե ՊՍԺ-ի մեկնարկային կազմում անցկացրած առաջին խաղում Մեսին, բրազիլացի Նեյմարը և ֆրանսիացի Կիլիան Մբապեն դառնան գոլի հեղինակ, կաշխատի 8.00 գործակցով խաղադրույքը:
Կա նաև խաղադրույք, որ Մեսին նորամուտի խաղում գոլային փոխանցում կկատարի Նեյմարին, իսկ բրազիլացին՝ արգենտինացուն: Այդ խաղադրույքի համար սահմանվել է 11.00 գործակից:
Եթե «Ոսկե գնդակի» 6-ակի դափնեկիրը ՊՍԺ-ում առաջին մրցաշրջանում դառնա Ֆրանսիայի չեմպիոն ու գավաթակիր, կաշխատի 1.80 գործակցով խաղադրույքը: Իսկ ահա «Լիգա-1»-ում ու Չեմպիոնների լիգայում այս մրցաշրջանում հաղթելու գործակիցը 5.00 է:
Բուքմեյքերները նաև առաջարկում են խաղադրույք, որ ՊՍԺ-ն կդառնա Չեմպիոնների լիգայի հաղթող, իսկ 34-ամյա Մեսին կճանաչվի մրցաշարի լավագույն ռմբարկու: Այդ խաղադրույքի գործակիցը 11.00 է:
Այն, որ Արգենտինայի հավաքականի ավագը փարիզյան ակումբում առաջին մրցաշրջանում չի նվաճի որևէ տիտղոս, համարվում է քիչ հավանական տարբերակ՝ 15.00 գործակից:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: