Բուքմեյքերները հայտնել են Ռոնալդուի հաջորդ ակումբը. ու՞ր կտեղափոխվի Կրիշտիանուն
Կրիշտիանու Ռոնալդուն արդեն 3 տարի է՝ խաղում է «Յուվենտուսում»: Պորտուգալիայի հավաքականի ավագը թուրինյան ակումբ էր տեղափոխվել Չեմպիոնների լիգայում հաղթելու համար, փոխարենը չորրորդ տեղը գրավեց Իտալիայի ավարտված առաջնությունում: Սպասումներն ու իրականությունը չհամընկան, և Կրիշտիանուն հավաքեց ճամպրուկները:
Քանի դեռ 36-ամյա ֆուտբոլիստը Ջորջինա Ռոդրիգեսի հետ հանգստանում է զբոսանավում, Ժորժե Մենդեշը զանգում է պոտենցիալ գնորդներին: «Ոսկե գնդակի» հնգակի դափնեկրի հետ ցանկանում են պայմանագիր կնքել տասնյակ ակումբներ՝ սկսած հարազատ «Սպորտինգից» մինչև հարուստ ՊՍԺ-ն:
Միայն թե գործակալը չի շտապում տրանսֆերի հարցում: Նա փնտրում է ամենագրավիչ առաջարկները՝ մեծ միջնորդավճարներով: PaddyPower բուքմեյքերական ընկերությունն անգամ սկսել է խաղադրույքներ ընդունել Ռոնալդուի հաջորդ ակումբի վերաբերյալ:
Պորտուգալացի ռմարկուին ձեռք բերելու ամենամեծ շանսերն ունի «Մանչեսթեր Յունայթեդը»: «Օլդ Թրաֆորդ» նրա վերադառնալը 2,75 գործակցով է գնահատվում, իսկ այդ իրադարձության հավանականությունը կազմում է 36 տոկոս:
«Կարմիր սատանաներն» այս ամռանը Մադրիդի «Ռեալին» առաջարկ են կատարել Ռաֆայել Վարանի տեղափոխության վերաբերյալ, և ֆրանսիացի պաշտպանն արդեն հավաքել է ճամպրուկները: Հերթը Կրիշտիանուինն է:
Ռոնալդուի հետ պայմանագիր կնքելու ևս մեկ հավակնորդ է ՊՍԺ-ն: Ժորժե Մենդեշն օրերս Ջանլուիջի Դոնարումային բերեց Փարիզ և շեյխերին ավելի շատ աստղային ֆուտբոլիստներ է խոստացել: Ռոնալդուն հիանալիորեն կընդգրկվեր այդ կոլեկտիվում: Այս տեղափոխության համար 3,50 գործակից է սահմանված, իսկ հավանականությունը կազմում է 28 տոկոս:
Աստղային հարձակվողի մասին չեն մոռացել նաև «Ռեալում»: Արքայական ակումբը նրա տրանսֆերը գնելու երրորդ ֆավորիտն է: Եթե Կրիշտիանուն, այնուամենայնիվ, որոշի վերադառնալ «Սանտյագո Բեռնաբեու», ապա խաղադրույքը կբազմապատկվի 6,00 գործակցով:
Կրիշտիանուի հետ պայմանագիր կնքելու հավակնորդների թվում են նաև «Սպորտինգը» (7,00) և «Բավարիան» (9,50): Իսկ դուք ի՞նչ եք կարծում՝ արդյոք Ռոնալդուն կմնա՞ «Յուվենտուսում», թե՞ կհեռանա Անգլիա:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: