Մասնագետները կարծում են, որ Հայաստանի հավաքականի ոչ ոքիին ու պարտությանը կհաջորդի հաղթանակ:
Vbet բուքմեյքերական գրասենյակի մասնագետները գրեթե չեն կասկածում Խոակին Կապառոսի գլխավորած թիմի հաղթանակին, որը գնահատվում է 1.16 գործակցով։ Լիխտենշտեյնի հավաքականի հաղթանակը ստացել է 17.00 գործակցից, իսկ ոչ ոքին՝ 9.00։
Հայաստան – Լիխտենշտեյն հանդիպումը տեղի կունենա սեպտեմբերի 8-ին Վազգեն Սարգսյանի անվան «Հանրապետական» ստադիոնում և կսկսվի ժամը 20:00-ին: Խաղը կսպասարկեն խորվաթ մրցավարներ՝ 37-ամյա Դույե Ստրուկանի գլխավորությամբ:
Հիշեցնենք, որ ԱԱ-2022-ի ընտրական փուլի առաջին շրջանում Հայաստանի հավաքականը հաղթել է Լիխտենշտեյնին (1:0), Իսլանդիային (2:0), Ռումինիային (3:2), գոլազուրկ ոչ ոքի խաղացել Հյուսիսային Մակեդոնիայի հետ, պարտվել Գերմանիային (0:6) և 5-րդ տուրից հետո 10 միավորով երկրորդն է J խմբում: Առաջատար Գերմանիան հավաքել է 12 միավոր, Ռումինիան՝ 9, Հյուսիսային Մակեդոնիան՝ 8, Իսլանդիան՝ 4, իսկ Լիխտենշտեյնը պարտվել է բոլոր խաղերում: