Բուքմեյքերներ. Մոուրինյոն ՄՅու-ի գլխավոր մարզչի պաշտոնի գլխավոր թեկնածուն է
«Կարմիր սատանաների» գլխավոր մարզիչը հոլանդացի տարեց մասնագետ Լուի վան Գալն է, բայց հավանականությունը մեծ է, որ մանչեսթերյան ակումբի մարզչի պաշտոնում նրա օրերը հաշված են: Ընթացիկ մրցաշրջանում կատարած անորակ աշխատանքի վերաբերյալ հոլանդացու անպատասխանատու պատճառաբանություններն արդեն խախտել են ակումբի բաժնետերերի նյարդային համակարգը: «Յունայթեդի» գլխավոր մարզչի մաշված աթոռը, ըստ երեւույթին, շուտով նորից թափուր կմնա (չնայած հոլանդացու պայմանագիրը ավարտվում է 2017-ին):
Մի քանի հեղինակավոր եվրոպական բուքմեյքերների կարծիքով՝ հենց 52-ամյա մասնագետն է Վան Գալին փոխարինողի ամենահավանական թեկնածուն: «Յուրահատուկը» զգալիորեն առաջ է մանկունյանցիների գլխավոր մարզչի պաշտոնի մյուս թեկնածուներից:
Paddy Power-ում Մոուրինյոյի գործակիցը 1,6 է, Խոսեպ Գվարդիոլայի կամ Ռայան Գիգզի նշանակվելու հավանականությունը գնահատվում է 6,5-ով: William Hill-ում խաղադրույքն այն բանի վրա, որ պորտուգալացու հաջորդ ակումբը կլինի հենց «Յունայթեդը», ընդունվում է 1,73 գործակցով:
Հիմա ՄՅու-ի մարզչի հեռացումը ամենահավանականն է Անգլիայի Պրեմիեր լիգայում: Խաղադրույքն այն բանի վրա, որ Մոուրինյոյի հետքերով առանց աշխատանք կմնա նաեւ 64-ամյա հոլանդացին, ընդունվում է 1,25 գործակցով: Համեմատության համար՝ պոտենցիալ անգործների ցուցակում հաջորդը «Նյուքասլի» մարզիչ Սթիվ Մաքլարենն է (9.0):
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: