Բուքմեյքերներ. Մեսսին կնվաճի «Ոսկե գնդակը», Նեյմարը կլինի երկրորդը
Արգենտինացին կհաղթի բացարձակ առավելությամբ
Լիոնել Մեսսիի հաղթանակը ոչ մի կասկած չի հարուցում: Bet365-ում արգենտինացու պատմական նվաճման գործակիցը 1,05 է: Լավագույն եռյակի անունները հրապարակվել էին նոյեմբերի 30-ին, դրանից հետո Մեսսիի հաղթանակի գործակիցը մեծ փոփոխություններ չի կրել:
Արգենտինացի հարձակվողը 2015-ին «Բարսելոնայի» հետ հաղթել է Իսպանիայի առաջնությունում, նվաճել երկրի գավաթը, իր կարիերայում չորրորդ անգամ գլխավերեւում պահել Չեմպիոնների լիգայի գավաթը, դարձել ՈՒԵՖԱ-ի Սուպերգավաթակիր եւ Աշխարհի ակումբային չեմպիոն: Նախորդ տարում Մեսսին բոլոր մրցաշարերում մասնակցել է 61 հանդիպման, խփել 52 գոլ եւ կատարել 26 գոլային փոխանցում:
Բուքմեյքերը վստահ է նաեւ, որ «Ոսկե գնդակի» քառակի դափնեկրին կհաջորդի նրա թիմակից Նեյմարը: Բրազիլացու հաղթանակի հավանականությունը գնահատվում է 13,0 գործակցով: Վերլուծաբանները չեն հավատում Մադրիդի «Ռեալի» եւ Պորտուգալիայի ազգային հավաքականի առաջատար Քրիստիանո Ռոնալդուի հաղթանակին: «Արքայական» ակումբի լավագույն ռմբարկուի հաղթանակի համար սահմանված է 26,0 գործակիցը:
Ավելի վաղ հայտնել էինք, որ Լիոնել Մեսսին ֆավորիտ է նաեւ Պուշկաշի անվան մրցանակի պայքարում:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: