Բուքմեյքերներ. Գոռ Մինասյանն Oլիմպիական խաղերում կնվաճի բրոնզե մեդալ

Գոռ Մինասյանի հաղթանակի շանսերը գնահատված են 15 գործակցով:

Համաձայն Vivaro բուքմեյքերական ընկերության սահմանած գործակիցների՝ Գոռ Մինասյանը մեդալ նվաճելու լավ շանսեր ունի: Նրա՝ օլիմպիական չեմպիոն դառնալու վրա սահմանված է 15 գործակիցը, ինչը երրորդ ցուցանիշն է: Ինչ վերաբերում է Հայաստանը ներկայացնող մյուս մարզիկի՝ Ռուբեն Ալեքսանյանի շանսերին, ապա դրանք այդքան էլ բարձր չեն գնահատվում: Նրա հաջողության վրա կարելի է խաղադրույք կատարել 51 գործակցով:

Այս քաշային կարգում չեմպիոնի երկու ակնհայտ հավակնորդներ կան՝ իրանցի Բեհդադ Սալիմին և վրացի Լաշա Տալախաձեն: Սակայն մասնագետները մի փոքր նախապատվությունը տալիս են Սալիմիին՝ նրա հաղթանակի հավանականությունը գնահատելով 1,72 գործակցով, մինչդեռ վրացու դեպքում այն 2,10 է:

Խաղադրույքներ են ընդունվում նաև առանձին մարզիկների մոտեցումների վերաբերյալ: Պոկում վարժությունում Գոռ Մինասյանի առաջին, երկրորդ և երրորդ մոտեցումների հաջող լինելու շանսերը գնահատված են համապատասխանաբար 1,33, 1,45 և 1,55 գործակիցներով, իսկ հրում վարժությունում՝ 1,33, 1,42, 1,42 գործակիցներով: Ինչ վերաբերում է Ռուբեն Ալեքսանյանին, ապա նրա դեպքում ևս մասնագետները համոզված են, որ նա հաջող կկատարի իր մոտեցումները: Պոկում վարժությունում Ալեքսանյանի առաջին, երկրորդ և երրորդ մոտեցումների հաջող լինելու շանսերը գնահատված են համապատասխանաբար 1,45, 1,57 և 1,67 գործակիցներով, իսկ հրում վարժությունում՝ 1,42, 1,55 և 1,67 գործակիցներով: