«Լիվերպուլի» եւ «Ուոթֆորդի» հետքերով DraftKings ֆենթեզի-օպերատորի հետ պայմանագիր է կնքել նաեւ լոնդոնյան «Արսենալը»: Համաձայնագիրը երկարամյա է եւ իր մեջ ներառում է ամերիկյան ընկերության ծառայությունների՝ «զինագործների» սոցիալական մեդիա-ռեսուրսներով զարգացումը:
Ֆենթեզի-սպորտի ամերիկյան առաջատար օպերատորը լրջորեն մտադրված է գրավել եվրոպական շուկան: ԱՄՆ-ում DraftKings-ին եւ նրա հիմնական մրցակից FanDuel-ին պարբերաբար տանջում են սկանդալներով: Նահանգները մեկը մյուսի ետեւից արգելափակում են իրենց տարածքներում այս ընկերությունների գործունեությունը: Ելքը բրիտանական, իսկ հետո նաեւ մայրցամաքային եվրոպական շուկա ֆենթեզի-սպորտի ամերիկյան հսկաների համար կարող է դառնալ բազմազանեցման հիանալի միջոց:
«Մենք հպարտ ենք դառնալ աշխարհի ամենահայտնի ֆուտբոլային ակումբներից մեկի գործընկերը: «Արսենալը» շատ սիրված է Հյուսիսային Ամերիկայում: Մենք անհամբերությամբ սպասում ենք լոնդոնյան ակումբի երկրպագուների՝ ֆենթեզի-սպորտի կողմնակիցներին միանալուն»,- հայտարարել է DraftKings-ի գործադիր տնօրեն Ջեյսոն Ռոբինսը:
«Մենք ուրախ ենք դառնալ DraftKings-ի՝ ֆենթեզի-սպորտը ներկայացնող մեր առաջին պաշտոնական ներկայացուցչի գործընկերը: Ոլորտի առաջատարի հետ աշխատանքն «Արսենալի» երկրպագուներին թույլ կտա միանալ ամենօրյա յուրօրինակ ֆենթեզի-սպորտի ԱՊԼ-ին եւ այլ մրցաշարերին»,- ակումբի կոմերցիոն տնօրեն Վինայ Վենկատեշամի խոսքերը մեջբերում է «Արսենալի» պաշտոնական կայքը:
«Համագործակցության շրջանակներում «Արսենալի» երկրպագուները բացի ֆենթեզիի նոր օնլայն-պլատֆորմների խաղերից օգտվելուց կկարողանան մասնակցել հատուկ մրցաշարերի, շահել տնային խաղերի տոմսեր եւ թիմի խաղացողների ստորագրությամբ տարբեր մրցանակներ: