Ալան Շիրերը կանխատեսում է արել Պրեմիեր լիգայի չեմպիոնական մրցավազքի վերաբերյալ
«Նյուքասլի» և Անգլիայի հավաքականի լեգենդար հարձակվող, բրիտական հեռուստաընկերությունում ֆուտբոլային փորձագետ ու մեկնաբան աշխատող Ալան Շիրերը նշել է, որ Պրեմիեր լիգայի նոր մրցաշրջանի չեմպիոնության գլխավոր հավակնորդ է համարում Չեմպիոնների լիգայի գավաթակիր, Եվրոպայի սուպերգավաթակիր «Չելսիին»:
«Կարծում եմ՝ այս մրցաշրջանում չեմպիոնության համար կպայքարեն ոչ թե 2 թիմեր, այլ՝ 4: Ես նախապատվությունը տալիս եմ «Չելսիին»: Թոմաս Տուխելի թիմն ուժեղացրել է հարձակման գիծը Ռոմելու Լուկակուի տրանսֆերի շնորհիվ:
Նախորդ մրցաշրջանում «Մանչեսթեր Յունայթեդին» չբավականացրեց կայունությունը, սակայն նրանք ունեցան հաջող տրանսֆերային պատուհան: Ռաֆայել Վարանն ու Ջեյդոն Սանչոն տաղանդավոր տղաներ են: «Մանչեսթեր Յունայթեդն» ի զորու է ավելի ուժեղանալ:
«Լիվերպուլը» գնեց միայն մեկ խաղացողի՝ «Լայպցիգի» կենտրոնական կիսապաշտպան Իբրահիմա Կոնտեին: Այդ կերպ նրանք փակեցին պրոբլեմատիկ դիրք»,- Ալան Շիրերի խոսքը մեջբերում է BBC Sport-ը:
Հիշեցնենք, որ Անգլիայի գործող չեմպիոն «Մանչեսթեր Սիթին» Պրեմիեր լիգայի առաջին տուրում նվազագույն հաշվով պարտվել էր Լոնդոնի «Տոտենհեմին»:
«Մանչեսթեր Սիթին»՝ Պրեմիեր լիգայի չեմպիոնության գլխավոր հավակնորդ
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: