ԱԱ-2022-ի անցումային խաղերի վիճակահանության արդյունքները
Շվեյցարական Ցյուրիխում տեղի է ունեցել Քաթարում կայանալիք 2022թ. ֆուտբոլի աշխարհի առաջնության եվրոպական գոտու ընտրական մրցաշարի անցումային խաղերի վիճակահանությունը։
12 հավաքականներ բաժանվել են 3 ուղիների, յուրաքանչյուրում՝ 4-ական թիմ: Յուրաքանչյուր ուղի բացկացած է 2 կիսաեզրափակիչից ու մեկ եզրափակիչից, կանցկացվեն մեկխաղյա դիմակայություններ: Եզրափակիչներում 3 հաղթողները կնվաճեն աշխարհի առաջնության ուղեգիր:
Պորտուգալիայի ու Եվրոպայի գործող չեմպիոն Իտալիայի հավաքականները հայտնվել են նույն ուղիում, ինչը նշանակում է, որ այդ 2 թիմերից մեկը չի մեկնի աշխարհի առաջնությանը։
Ուղի А
Շոտլանդիա – Ուկրաինա
Ուելս – Ավստրիա
Ուղի В
Ռուսաստան – Լեհաստան
Շվեդիա – Չեխիա
Ուղի С
Իտալիա – Հյուսիսային Մակեդոնիա
Պորտուգալիա – Թուրքիա
? The semi-finals are set for the European play-offs!
? One team from each of the 3 paths will reach the #WorldCup ? pic.twitter.com/cvkFwdzQoX
— FIFA World Cup (@FIFAWorldCup) November 26, 2021
Անցումային խաղերը կանցկացվեն 2022 թվականի գարնանը: Կիսաեզրափակիչները տեղի կունենան մարտի 24-25-ին, իսկ եզրափակիչները՝ մարտի 28-29-ին:
Հիշեցնենք, որ ընտրական փուլի արդյունքում ԱԱ-2022-ի ուղեգիր էին նվաճել խմբերում առաջին տեղ գրաված Ֆրանսիայի, Գերմանիայի, Անգլիայի, Իսպանիայի, Բելգիայի, Նիդերլանդների, Խորվաթիայի, Շվեյցարիայի, Սերբիայի և Դանիայի հավաքականները:
Հայաստանի ազգային հավաքականն ընդգրկված էր J խմբում, որտեղ 10 տուրերում վաստակեց 12 միավոր և գրավեց չորրորդ տեղը։ 27 միավորով առաջին տեղը զբաղեցրեց Գերմանիայի հավաքականը: 18 միավորով երկրորդ տեղը գրաված Հյուսիսային Մակեդոնիան նվաճել է անցումային խաղերի ուղեգիր, Ռումինիան վաստակեց 17, Իսլանդիան՝ 9, իսկ հետնապահ Լիխտենշտեյնը՝ 1 միավոր:
Աշխարհի առաջնության եզրափակիչ փուլը տեղի կունենա հաջորդ տարվա նոյեմբերի 21-ից դեկտեմբերի 18-ը Քաթարում:
Ո՞ր թիմերը Եվրոպայից կնվաճեն ԱԱ-2022-ի ուղեգիր. Բուքմեյքերների ֆավորիտները
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: