$1,59 մլրդ չափով ջեքփոթը ԱՄՆ-ում վիճակախաղերի պատմության մեջ ռեկորդային է դաձել

Հաշվի առնելով հարկերը՝ շահումը կազմել է մոտ $900 մլն

Ներկայումս հայտարարվել է երեք հաղթած տոմսերի մասին, որոնց տերերը ճիշտ էին գուշակել առաջին բլոկի հինգ թվերը (69-ից 5-ը) եւ վեցերորդը՝ երկրորդ բլոկի գաղտնի թիվը (26-ից մեկը): Ըստ նախնական տեղեկության՝ տոմսերը գնվել են Կալիֆորնիա, Թեննեսի եւ Ֆլորիդա նահանգներում: Բայց դեռ ոչ բոլոր նահանգներից են հավաքել ինֆորմացիա, այդ պատճառով էլ չի կարելի բացառել նոր հաղթողների ի հայտ գալը:

Հաշվելով հարկերը՝ հաղթողների մաքուր շահույթը կազմել է $930 մլն: Ի դեպ, հաջողակները կարող են համաձայնել 29 տարում շահումի հավասար բաժնեմասերով վճարմանը: Այդ պարագայում նրանք հարկեր չեն վճարի:

Վիճակախաղի պատմության խոշորագույն ջեքթոփը սկսել էր չափազանց «համեստ» ձեւավորվել: Դեռեւս 2015-ի նոյեմբերին այն հաշվարկվում էր մոտ $40 մլն: Բայց մի շարք անհաջող խաղարկությունները գումարը հասցրեցին ԱՄՆ-ում համազգային աղմուկ բարձրացնող չափի: Powerball լոտոյի տոմսն արժե ընդամենը $2, բայց հարյուրավոր միլիոն դոլարներ հաղթելու ծարավով բազմաթիվ մարդիկ մի քանի հազար դոլար են ծախսել դրանք գնելու համար:

Օրինակ՝ կալիֆորնիական Չինո-Հիլլսում գտնվող 7-Eleven խանութը խոշոր եկամուտ է ստացել: Շահած տոմսերից մեկը վաճառելու համար վիճակախաղի կազմակերպիչների կողմից այն $1 մլն բոնուս կստանա: Հավելենք, որ ավելի վաղ ԱՄՆ-ում ջեքփոթի չափով առաջատարը Mega Millions-ն էր. 2012-ի մարտի 30-ին դրանով խաղարկվել է $652 մլն: