Նարդի, Վրաստան. Ինչպես «Բուքմեյքերների Ռեյտինգի» փորձագետները հայտնվեցին աշխարհի գավաթում
Հին ժամանակներում մի պարսից իշխանի, ով նարդու և շախմատի գիտակ էր, հարցրեցին, թե այդ խաղերից որն է ավելի իմաստուն և տղամարդուն համապատասխան: Իմաստուն իշխանը մի փոքր մտածեց և ասաց. «Շախմատը հրաշալի խաղ է, բայց նարդին ավելի իմաստուն է: Երբ շախմատում մի խաղացողը մյուսից ավելի ուժեղ է, ապա նա հաղթում է, իսկ դա հպարտություն է առաջացնում: Բայց մարդը սխալվում է, երբ մտածում է, որ շատ խելացի է և իր հաջողությունը կապված է բացառապես իրենից: Նարդում նույնիսկ ամենաուժեղ և փորձառու խաղացողը գիտի, որ որքան էլ գիտակ լինի, կարող է այնպես ստացվել, որ զառերն անհաջող ընկնեն, և նա կպարտվի իրենից ավելի թույլ մրցակցին: Այնպես որ, նարդին սովորեցնում է միաժամանակ և իմաստունություն, և խոնարհություն, և հստակ բացատրում է, որ ամեն ինչ չէ մարդուց կախված: Բոլորն էլ երկնային ուժի կարիքն ունեն»:
Որքան էլ տարօրինակ է, նարդին ի հայտ է եկել ավելի քան 5000 տարի առաջ, բայց իր հայտնիության գագաթնակետին հասել է միայն XXI դարում: Դրանում հսկայական դեր է խաղացել հեռուստատեսությունը, հատկապես «Евроспорт» հեռուստաալիքը, որը 2006 թվականին առաջին անգամ միջազգային մրցաշարերի հեռարձակում իրականացրեց:
Հենց այդ ժամանակ շատերը հետաքրքրվեցին նարդով, և սպորտաձևը հայտնի դարձավ: Արթնացան նաև նրանք, ովքեր տարիներով նարդի էին խաղացել, բայց նույնիսկ չէին կարող պատկերացնել, որ իրենց սիրելի խաղը նոր ու ավելի որակյալ մակարդակի է հասել: Հիմա նարդին ոչ միայն հաճույքի, այլ նաև գումար վաստակելու միջոց է:
Ժամանակակից նարդին թենիսի հետ նմանություն ունի: Նարդիստները, ինչպես թենիսիստները, նախօրոք ուսումնասիրում են մրցաշրջանի օրացույցը, մրցաշարերի ցանկը (և, իհարկե, դրանց մրցանակային ֆոնդերը), հաշվարկում են այս կամ այն երկիր մեկնելու ծախսերը, որից հետո կազմում են իրենց ժամանակացույցը:
Աշխարհի առաջնությունը (Backgammon World Championship), որն ամեն տարի անցկացվում է Մոնտե Կարլոյում, գրեթե բոլոր պրոֆեսիոնալների համար գլխավոր մրցաշարերից մեկն է: Այդպիսի մրցաշար դառնալու համար բոլոր շանսերն ունի նաև աշխարհի գավաթը (Backgammon Worldwide Trophy), որը 2016-ից անցկացվում է Վրաստանում:
Եվ հարցն այստեղ ոչ այնքան մեծ մրցանակային ֆոնդն է, որն այս տարի գերազանցեց $150000-ը, որքան այն, որ… սա Վրաստանն է: Մայիսյան մրցաշարի շրջանակներում հավաքվել էին խաղացողներ ողջ աշխարհից՝ ԱՄՆ-ից մինչև Նոր Զելանդիա: Նրանցից յուրաքանչյուրը հասկանում էր, որ հայտնվելով վրացական հողի վրա ոչ միայն դառնում է հեղինակավոր մրցաշարի մասնակից, այլ նաև արժանանում է անհավանական հյուրընկալության, համեղ ուտեստների հյուրասիրության, և, իհարկե, հիանում է հնագույն երկրի գեղեցկությամբ:
Մրցաշարին մասնակցում էին ոչ միայն պրոֆեսիոնալ խաղացողներ, այլ նաև լրագրողներ, որոնց հրավիրել էր Վրաստանի տուրիզմի նախարարությունը: Նույնիսկ ամենաբծախնդիր մարդիկ համոզվեցին, որ կազմակերպչական տեսանկյունից նարդու աշխարհի գավաթը լիովին կարող է մրցակցել ֆուտբոլի աշխարհի և Եվրոպայի առաջնությունների հետ:
Ներկայումս աշխարհում ամենաուժեղ նարդիստները ճապոնացիներն են: Վերջին 8 աշխարհի առաջնություններից երեքում «Ծագող արևի երկրի» ներկայացուցիչները ուժեղագույնն են ճանաչվել, իսկ 2014 թվականին գլխավոր տիտղոսը նվաճեց Ակիկո Յազավան, ով գեղեցիկ սեռի ներկայացուցիչ է: Սա 3-րդ նմանատիպ դեպքն էր նարդու աշխարհի առաջնության պատմության մեջ:
Հավաքականների միջև մրցությանը, որն անցկացվեց Թբիլիսիում, ճապոնացիները չէին մասնակցում: Նրանց բացակայության պարագայում ֆավորիտ էին Մեծ Բրիտանիայի և Ռուսաստանի հավաքականները, որոնք հանդիպել էին նախորդ մրցաշարի եզրափակչում: Այս անգամ նրանք չհայտնվեցին նույնիսկ քառյակում, իսկ որոշիչ խաղում հանդիպեցին հարևանները՝ տանտեր Վրաստանի և Հայաստանի հավաքականները, որոնք կիսաեզրափակչում հաղթեցին համապատասխանաբար Իրանի և Գերմանիայի ընտրանիներին: Հյուրերը եզրափակչում 4:1 հաշվով վստահ հաղթանակ տարան և դարձան աշխարհի չեմպիոն:
Հատկանշական է, որ անհատական պայքարում հաջողության հասավ Հայաստանի ներկայացուցիչ Ծառուկ Մանուկյանը, ով հաղթելով անհատական և թիմային մարզաձևերում ևս $40000 ստացավ, դառնալով աշխարհի ուժեղագույն նարդիստ:
Հետաքրքրական է, որ տիտղոսակիրը մոսկովյան մրցաշարի մշտական հյուրերից մեկն է, բայց այստեղ մինչ այժմ չէր կարողացել տոնել հաջողությունը:
Դե իսկ լրագրողները, ովքեր հիացան պրոֆեսիոնալների խաղով, մեկնեցին վրացական հայտնի Ցխալտուբո հանգստավայր, որտեղ նրանց համար ևս մեկ մրցաշար էր սպասվում, այս անգամ հենց նրանց պատվին: Ռուսաստանը ներկայացնում էին հայտնի մեկնաբան և «Բուքմեյքերների Ռեյտինգի» փորձագետ Ալեքսեյ Անդրոնովը, ինչպես նաև Ալեքսեյ Լեբեդեվը, Կիրիլ Դեմենտեվը և Միխայիլ Մելնիկովը: 32 մասնակիցների թվում էին նաև նարդու աշխարհում հայտնի դեմքեր ԱՄՆ-ից, Գերմանիայից, Ֆինլանդիայից և Ուկրաինայից: Բայց որքան է զարմանալի… Նրանցից ոչ մեկը նույնիսկ եզրափակիչ չհասավ, իսկ մրցաշարում հաղթեց Ռուսաստանի սպորտային պոկերի ֆեդերացիայի նախագահ Դմիտրի Լեսնոյը, ում համար նարդին ընդամենը հոբբի է: Փաստորեն, պարսից իշխանը ճիշտ էր՝ փորձն ընդամենը հաջողության գրավականներից մեկն է, հաղթանակի համար պետք է նաև երկնքի աջակցությունը:
«Բուքմեյքերների Ռեյտինգը» իր երախտագիտությունն է հայտնում Վրաստանի տուրիզմի նախարարությանն ու նարդու ֆեդերացիային:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: