Սխալ հաշվարկված խաղադրույք — Vivarobet — 3 փետրվարի, 2016

Բողոքի հեղինակի ուղղագրությունն ու կետադրությունը պահպանվել են:

Բարև Ձեզ.

31.01.16 — ին Վիվարոյով ժամը 01:53-ին փորձեցի կատարել խաղադրույք էքսպրես տեսակի Վիվարոյի հին տարբերակով, քանի որ մյուս տարբերակին ծանոթ չեմ և միշտ խաղում եմ հին տարբերակով: Այդ պահին հաշվիս կար 32.000 դրամ, մի քանի անգամ փորձեցի, սակայն սերվերի հետ կապված խնդիր կար և խաղադրույքս չկատարվեց: Ես օնլայն կապնվեցի Վիվարոյի աշխատակցուհու` Մարիայի հետ, ով ինձ ասաց, որ փորձեմ նույնը կատարել նոր տարբերակով, սակայն ես, տեղյակ չլինելով նոր տարբերակին, չկարողացա միայնակ անել և խնդրեցի, որ նա ասի, թե ինչպես անեմ դա: Նրա բացատրելով սուպերբեթով խաղադրույքը (որին ես ընդհանրապես ծանոթ չէի) պետք է ընդունվեր մի քանի վայրկյանից, և իմ հարցին, որ կարո՞ղ է նաև չընդունվել, նա պատասխանեց, որ կարող է: Խաղադրույքը կատարելուց անմիջապես հետո ես ստուգեցի իմ խաղադրույքների մեջ և տեսա, որ խաղադրույքս առկա է, իսկ գումարս հաշվիցս տարել էր ու քանի որ նա ինձ չէր ասել, որ չընդունելու դեպքում ոնց պետք է իմանայի, ու ես էլ չէի ստացել որևէ նամակ, բնականաբար մտածեցի, որ խաղադրույքս ընդունվել է: Այդ ամենը կատարեցի Վիվարոյի նոր տարբերակով, բայց մինչ այդ մոնիտորիս բացված էր նաև հին տարբերակը ,որի մեջ հավաքված էր 32,000 : 01:57-ին նորից նայելով , որ խաղադրույքս առկա է մոտս և հաշվիս էլ 0 էր, միամտորեն օրդինար տեսակի խաղադրույք կատարվեց իմ կողմից, հավանաբար հենց այդ ժամանակ հետ ուղարկվեց գումարս, իսկ ես գիտեի, որ դա պետք է լիներ մի քանի վարկյանների ընթացքում, բայց արդեն անցել էր 4 րոպե: Դրանից հետո նորից կապնվեցի նրանց հետ և ճշտեցի, որ էքսպրես խաղադրույքս չի ընդունվել և խնդրեցի չեղարկել երկրորդ խաղադրույքը, սակայն ասացին, որ անհնար է ու էքսպրես խաղադրույքս աշխատեց, որը դրված էր 4,794 գործակցով և հաղթական գումարը կազմում էր 153,000 դրամ: Այն մինչ այժմ էլ առկա է իմ խաղադրույքների մեջ և ինձ ներքին նամակով տեղյակ են պահել խաղադրույքիս չընդունելու մասին միայն ժամը 17:33 -ին: Փորձելով մի քանի անգամ կապ հաստատել Վիվարոյի աշխատողների հետ և ստանալ բացատրություն նախ այն հարցին, թե ինչու չեն ընդունել խաղադրույքս, որը շատ պարզ խաղադրույք էր և հետո իրենց աշխատողի ոչ մանրամասն բացատրելու պատճառով (քանի որ ծանոթ չէի սուպերբեթին և ասեցի դրա մասին) խաղադրույքս չընդունվեց ու ես չիմացա, սակայն չկարողանալով բացատրություն տալ նրանք միայն ներողություն խնդրեցին նամակով ուշ տեղեկացնելու համար: Այնուհետև նորից օնլայն կապնվեցի և խնդրեցի իմ ու Մարիայի խոսակցությունը ուղարկել ինձ մեյլով, բայց մերժեցին` պատասխանելով, որ իրավասու չեն նման բան անելու, բայց երկու օր առաջ նույն Մարիան ինձ էր ուղարկել չաթով մեր խոսակցությունից մի հատված: Խնդրում եմ օգնեք ետ վերադարձնել էքսպրես խաղադրույքիս շահած գումարը, որը կատարել էի առաջինը` հաշվիս վերջին 32,000 դրամով և բնականաբար չէի կարող երկրորդ խաղադրույքը կատարել, քանի որ հաշիվս 0 էր և իրենց ասած մի քանի վարկյաններն էլ անցել էին ու չէի ստացել ոչ մի տեղեկություն խաղադրույքս չընդունելու վերաբերյալ, հետևաբար չէի կարող նորից խաղադրույք կատարել :