Բուքմեյքերները գնահատել են Պայետի՝ «Ռեալ» տեղափոխվելու շանսերը

Պայետի «արքայական» ակումբ տեղափոխվելու վրա կարելի է խաղադրույք կատարել 13,0 գործակցով:

Հուլիսի 11-ին` Եվրոպայի առաջնության ավարտի հաջորդ օրը, «Վեսթ Հեմի» սեփականատեր Դեյվիդ Գոլդը BBC Radio Five Live-ի եթերում հայտարարեց, որ ակումբը Դիմիտրի Պայետի վերաբերյալ £50 մլն-ից ($64,4 մլն) քիչ առաջարկ չի դիտարկի, և միևնույն ժամանակ ակումբի ղեկավարությունը հույս ունի կազմում պահել ֆրանսիացի ֆուտբոլիստին, ինչպես նաև մյուս առաջատարներին:

Թոփ-ակումբները, որոնք ցանկանում են ձեռք բերել Պայետին, հավանաբար պատրաստ են գումարներ ծախսել: Իզուր չէ, որ նրանք հետևում էին խաղացողի, ով իրեն հիանալի դրսևորեց Եվրո-2016-ում: 27-ամյա կիսապաշտպանը մասնակցեց իր հավաքականի բոլոր 7 հանդիպումներին և խփեց 3 գոլ` այդ թվում առաջնության առաջին խաղում Ռումինիայի դարպասը հաղթական հիանալի գնդակը: Մադրիդի «Ռեալի» սկաուտները, ինչպես հայտնի է, մրցաշարի ընթացքում տրիբունաներից հետևում էին խաղացողին:

Համաձայն Sky Bet բուքմեյքերական ընկերության` Պայետի՝ «արքայական» ակումբ տեղափոխվելու հավանականությունը գնահատվում է 13,0 գործակցով: Ֆրանսիայի առաջնության վերջին տարիների առաջատարի` «ՊՍԺ»-ի այս խաղացողին ձեռք բերելու շանսերը հավասար են 15,0-ի: Պայետի՝ «Չելսի» կամ «Մանչեսթեր Սիթի» տեղափոխվելու վրա կարելի է խաղադրույք կատարել միևնույն 17,0 գործակցով:

Միևնույն ժամանակ, դատելով Sky Bet-ի գործակիցներից, ամենայն հավանականությամբ «Վեսթ Հեմը» կպահպանի իր առաջատարին` դրա վրա կարելի է խաղադրույք կատարել 1,1 գործակցով: .