Բուքմեյքերներ. «Օսկարի» ամենամեծ շանսերն ունեն «Փրկվածը» եւ «Ուշադրության կենտրոնում» ֆիլմերը

Երկու ֆիլմերն էլ հաղթանակի ամենառեալ շանսերն ունեն

William Hill բուքմեյքերական ընկերությունը խաղադրույքներ է ընդունում «Լավագույն ֆիլմ» անվանակարգում բաղձալի արձանիկի նվաճողի վերաբերյալ: 1,8 գործակցով ֆավորիտ է «Գահերի խաղը» սերիալի ամերիկացի ռեժիսոր Թոմ ՄաքՔարթիի «Ուշադրության կենտրոնում» կենսագրական թրիլլերը: Ֆիլմը պատմում է հոգեւորականների մասնակցությամբ աղմկահարույց սեքս-սկանդալի լրագրողական հետաքննության մասին:

Ցուցակում ֆիլմին հաջորդում է մեքսիկացի Ալեխանդրո Գոնսալես Ինյարիտուի «Փրկվածը» արկածային դրաման: Լեոնարդո ԴիԿապրիոյի մասնակցությամբ ֆիլմի վրա կարելի է խաղադրույք կատարել 2,62-ով: Կինոնկարը պատմում է լրջորեն վիրավորված որսորդ Հյու Գլասսի մասին (ԴիԿապրիո), որին իր «ընկերները» մենակ էին թողել Վայրի Արեւմուտքում՝ մահացու ձմռան եւ վայրի հնդկական ցեղերի շրջապատում: Ֆիլմն արդեն առավելագույն անվանակարգեր է հավաքել (12):

«Լավագույն ֆիլմ» անվանակարգում նաեւ նոմինացվել են.

• Ադամ ՄաքՔեյի «Գոյատեւման խաղ» ֆիլմը (9.0)՝ 2008 թվականին համաշխարհային տնտեսական ճգնաժամի մասին՝ Քրիստիան Բեյլի, Բրեդ Փիթթի եւ Ռայան Գոսլինգի մասնակցությամբ:
• Ռիդլի Սքոթթի «Մարսեցին» (9.0) արկածային ֆանտաստիկան՝ Մարսը «գրաված» տիեզերագնաց-ինժեներ Մարկ Ուոթնիի (Մեթթ Դեյմոն) մասին:
• Ջորդ Միլլերի «Խելագար Մաքս. զայրույթի ճանապարհը» ֆանտաստիկ մարտաֆիլմը (21.0)՝ Թոմ Հարդիի եւ Շարլիզ Թերոնի մասնակցությամբ:
• Սթիվեն Սփիլբերգի «Լրտեսական կամուրջ» թրիլլերը (34.0)՝ սառը պատերազմի կենտրոնում բրուքլինյան փաստաբան Ջեյմս Դոնովանի (Թոմ Հենքս) մասին:
• Լեոնարդ Աբրահամսոնի «Սենյակ» դրաման (41.0)՝ հնգամյա տղա ունեցող կնոջ մասին, ում որդին կյանքում ոչ մի անգամ չի լքել այն սենյակը, որտեղ ծնվել է:
• Ջոն Կրաուլի «Բրուքլին» մելոդրաման (67.0)` իռլանդական գավառացի Էլլիս Լեյսի մասին (Սիրշա Ռոնան), ով տեղափոխվել է ԱՄՆ, իսկ հետագայում կանգնել է երկու տղամարդկանց բարդ ընտրության առջեւ, որոնց նա սիրում է