Բուքմեյքերներ. «Լիվերպուլը» երկրորդն է ԱՊԼ-ն հաղթելու շանսերով մրցակիցներին հաղթելուց հետո

Յուրգեն Կլոպի թիմի պատմական հաջողության վրա կարելի է խաղադրույք կատարել 6.0 գործակցով

Հինգ խաղում «Լիվերպուլը» տոնել է երեք հաղթանակ, ընդ որում, առավելության է հասել սկզբունքային մրցակիցների նկատմամբ: Առաջին տուրում Կլոպի թիմը 4:3 հաշվով հաղթել է «Արսենալին», չորրորդում՝ «Լեսթերին» (4:1), իսկ հինգերորդում՝ «Չելսիին» (2:1):

Այս հաղթանակների կողքին են «Տոտենհեմի» հետ ոչ-ոքին (1:1), և ԱՊԼ վերադարձած «Բարնլիից» կրած 0:2 հաշվով անակնկալ պարտությունը: Չնայած վերջին արդյունքին՝ Յուրգեն Կլոպի ֆուտբոլիստների մեկնարկը կարելի է հաջողված համարել:

Հիմա Vivarobet ԲԿ-ն «Լիվերպուլի» չեմպիոնության շանսերը գնահատում է 6.0 գործակցով: Մինչեւ մրցաշրջանի մեկնարկը այդ թիվը 9.0 էր: Բայց այն ժամանակ նրանք շանսերով հինգերորդն էին, իսկ հիմա՝ երկրորդը:

Մրցաշարի գլխավոր ֆավորիտը շարունակում է մնալ «Մանչեսթեր Սիթին»՝ պարտություն չկրած միակ ակումբը. հինգ խաղ, հինգ հաղթանակ: Խաղադրույք կատարել, որ Պեպ Գվարդիոլան Անգլիայում նորամուտի տարում կհռչակվի չեմպիոն, կարելի է 1.70 գործակցով (մինչև մրցաշրջանի մեկնարկը՝ 3.25):

Իսկ ահա ոսկի նվաճելու «ՄՅՈւ»-ի շանսերը կտրուկ իջել են՝ վերջին երեք խաղում անընդմեջ պարտվելուց հետո (ԱՊԼ-ում՝ «քաղաքաբնակներին» և «Ուոթֆորդին», Եվրոպա լիգայում՝ «Ֆեյենորդին»): Ժոզե Մոուրինյոյի խաղացողները փոխվել են տեղերով լիվերպուլցիների հետ, այսինքն, հաղթանակի շանսերով երկրորդից դարձել են հինգերորդը: Նրանց հաղթանակի վրա կարելի է խաղադրույք կատարել 13.0 գործակցով (ավելի վաղ՝ 4.33):

Նշենք, որ «Չելսիի» շանսերը գնահատվում է 10.0 գործակցով, «Արսենալինը»՝ 13.0-ով, «Էվերթոնինը» (որը հիմա մրցաշարային աղյուսակում երկրորդն է)՝ 65.0-ով, «Լեսթերինը»՝ 101.0-ով: