Միջոցների կառավարում

3.1. Ինչպիսի՞ն է օպտիմալ բանկը

Բանկի գումարը կարևոր չէ: Սկսեք այն գումարից, որը կորցնելու ռիսկից չեք վախենում: Եվ հիշե՛ք, խաղադրույք կատարելու համար երբեք պարտքով գումար մի՛ վերցրեք:

3.2. Որքա՞ն գումար խաղադրույք կատարել

ԲԿ-ներում խաղալու համար կան խաղադրույքներ կատարելու տարբեր ֆինանսական ստրատեգիաներ:

Յուրացնելով մեր դասերը` դուք կտիրապետեք բանկ-մենեջմենթի հիմունքներին եւ խաղադրույքի համար նախատեսված կապիտալի ղեկավարման հիմնական ստրատեգիաներին:

3.3. Բանկից մշտական տոկոսով խաղադրույք

Ստրատեգիաներից մեկը ձեր բանկից մշտապես նույն տոկոսով խաղադրույք կատարելն է: Այդպես ծանր իրավիճակի դեպքում դուք կխուսափեք գումարի արագ կորստից: Ինչու՞, քանի որ յուրաքանչյուր պարտության դեպքում ձեր գումարը կնվազի, իսկ այդ ժամանակ՝ կնվազի նաեւ հաջորդ խաղադրույքի գումարի չափը (քանի որ խաղադրույք ենք կատարում նույն տոկոսով): Իհարկե, պարտության երկարատեւ շարքից հետո այդուհանդերձ շատ կկորցնեք եւ ավելի փոքր խաղադրույքներ կկատարեք:

Դրա համար, կարեւոր է ընտրել խաղադրույքի չափը՝ հաշվի առնելով սահմանված գործակիցը: Տրամաբանական է, որ 2.50 և 4.00 գործակիցներով խաղադրույքները պետք է տարբեր լինեն:

Բացի դրանից, եթե դուք միեւնույն 1.70 գործակցով խաղադրույք եք կատարում 3 հանդիպումների ֆավորիտների վրա, ապա արդյո՞ք դա նշանակում է, որ թիմերից յուրաքանչյուրի հաղթանակի հավանականությունը նույնն է. ամենայն հավանականությամբ դա այդպես չէ: Միեւնույն ժամանակ դուք ունեցած գումարի միևնույն տոկոսով խաղադրույք եք կատարում այդ արդյունքների վրա:

Այնպես որ, «ֆիքսված տոկոսի» ստրատեգիան բանկը ղեկավարելու վատ միջոց չէ, բայց ունի մեծ թերություն. այն հաշվի չի առնում խաղադրույքի գործակիցը եւ արժեքայնությունը: Եվ վաղ թե ուշ կարող է հանգեցնել գումարի կորստին:

3.4. Գործակիցների գնահատականը

Այս մեթոդը նման է մշտական տոկոսով ստրատեգիային, բայց խաղադրույքի գումարի հաշվարկման ժամանակ այստեղ հաշվի է առնվում գործակցի մեծությունը, որով մենք պատրաստվում ենք խաղադրույք կատարել:

Եվ այսպես, դուք որոշել եք այնպիսի խաղադրույք կատարել, որ շահույթը կազմի ձեր բանկի 5%-ը ու խաղի համար ընտրել եք 1000$, այսինքն ամեն խաղադրույք կբերի 50$:

Դուք 2.00 գործակցով 50$ խաղադրույք կկատարեք, բայց 11.00 գործակցի դեպքում խաղադրույքի գումարի չափը այլ կլինի: Այն կնվազի մինչեւ 5$: Ինչպե՞ս հաշվել խաղադրույքի անհրաժեշտ գումարը.

Բանկի գումարը տասնորդական ձեւաչափով բազմապատկում ենք բանկի տոկոսով, որը պետք է հավասար լինի շահույթին (մեր դեպքում, այն կազմում է 5%) և ստացվածը բաժանում գործակցի և թվի (1) տարբերության վրա:

Ստանում ենք խաղադրույքը.

(1000$ * 0,05) / (11.00 – 1) = 5$

Այս ստրատեգիան աշխատում է, երբ խաղադրույք ենք կատարում բարձր գործակցով: Բայց ի՞նչ անել, երբ ցանկանում ենք ֆավորիտի վրա ցածր գործակցով խաղադրույք կատարել. մենք պետք է ռիսկի դիմենք բարձր գումարներով, իսկ 1.05 գործակցի ժամանակ՝ ամբողջ բանկը միանգամից:

Խելամի՞տ է ռիսկի դիմել գրեթե ողջ գումարդ ցածր գործակցով խաղադրույքների ժամանակ. Ոչ շատ: Նշանակում է, այս ստրատեգիան ոչ բոլոր գործակիցների ժամանակ է արդյունավետ աշխատում:

3.5. Կելլիի չափորոշիչը

Թեև այս մեթոդին հակառակվողներ կան, բայց այն ժամանակների հետ ստուգված է, քանի որ հայտնի է սկսած 20-րդ դարի 50-ական թվականներից: Այս մեթոդը հաշվի է առնում եւ՛ արդյունքի իրական հավանականությունը, եւ՛ այդ արդյունքի համար սահմանված բուքմեյքերական գործակիցը:

Այս մեթոդը նաեւ առաջարկում է խաղադրույք կատարել գումարի չափով՝ հիմնվելով մեծ հաշվով խաղադրույքի արժեքայնության վրա: Սրա հետ միասին, դուք պետք է առավելապես ճիշտ հաշվարկեք իրադարձության ռեալ հավանականությունը՝ վերլուծելով թիմերի վերջին շրջանում անցկացրած հանդիպումները, հանդիպման համար նախատեսված կազմերը և այդպես շարունակ:

Ինչպես արդեն գիտենք, խաղադրույքի արժեքայնությունը հաշվարկվում է արդյունքի «ձեր» հավանականության տոկոսի և ստացված գործակցի ու 100 (%)-ի տարբերության արտադրյալի ճանապարհով:

Այս երկար ժամանակահատվածում հայտնվել են Կելլիի չափորոշիչի օգտագործման բազմաթիվ ձեւեր: Դրանք մշտապես փոփոխվում և բարելավվում են, բայց հիմնական սկզբունքները մնում են անփոփոխ:

3.6. Ամբողջ Կելլի

Թեեւ այս մեթոդը ստուգվել է ժամանակների ընթացքում, բայց այն կարող է հեշտորեն դատարկել ձեր հաշիվը: Օրինակ, Կելլիի չափորոշիչով հաշվարկները որոշ դեպքերում կարող են որոշել ձեր խաղադրույքի արժեքը, որը հավասարվում է Ձեր գումարի կեսին: Կելլիի չափորոշիչը պետք է օգտագործել միայն արժեքավոր խաղադրույքների դեպքում:

Այս մեթոդով խաղադրույք կատարվող ձեր բանկի տոկոսը հաշվարկվում է հետեւյալ կերպ. ընտրված խաղադրույքի արժեքայնությունը բաժանվում է գործակցի եւ թվի տարբերության վրա:

Այսպես, եթե դուք արդյունքի հավանականությունը գնահատում եք 40%, իսկ բուքմեյքերի գործակիցը կազմում է 3.00 եւ բանկում կա 1000$, ապա խաղադրույքի համար բանկից տոկոսը հաշվվում է այսպես.

(3.00 x 0.4 – 1) / (3.00 – 1) = 0.1 (10%)

Ստացվում է, առաջարկվող գործակցով տվյալ իրադարձության վրա անհրաժեշտ է կատարել ձեր գումարի 10%-ը, այսինքն բանկում ունենք 1000$, ապա պետք է 100$ խաղադրույք կատարել:

Ուշադրություն. եթե խաղադրույքի արժեքայնությունը բացասական է, բանաձևի արդյունքը նույնպես կլինի բացասական, քանի որ Կելլիի չափորոշիչը օգտագործվում է, եթե տվյալ իրադարձության ձեր հավանականությունը ավելին է բուքմեյքերի գնահատած հավանականությունից:

3.7. «Մասնակի» Կելլի

Կելլի չափորոշիչի օգտագործման այս ձեւը մտածված է վտանգավոր խաղացողներից կողմից, այստեղ առաջարկվող խաղադրույքի տոկոսը հաշվարկվում է ոչ թե բանկից, այլ ամբողջ Կելլիի մեթոդով հաշվարկվող արժեքից: Եթե վերեւի օրինակը վերցնենք՝ տոկոս 100$-ից: Այն կարող է լինել 50%, 25% կամ ցածր: Ամեն ինչ կախված է նրանից, թե ինչքան վստահ եք խաղադրույքում:

Կարող է թվալ, թե ամբողջ Կելլիով խաղադրույքի արժեքի բաժանումը կարող է նվազեցնել ձեր շահույթը, բայց գործնականում այն ավելի արդյունավետ ու հեռանկարային ստրատեգիա է:

3.8. «Մշտական» Կելլի

Գրեթե նույն մեթոդն է, ինչ ամբողջ Կելլին: Այն տարբերությամբ, որ տվյալ դեպքում խաղադրույքի համար դուք վերցնելու եք ոչ թե ձեր բանկի մնացորդի տոկոսը, այլ ընտրված չփոփոխվող գումարը:

Օրինակ, բանկի սկզբնական գումարից:

Վերցնենք, ձեր գումարը սկզբնապես կազմել է 1000$ եւ հետագայում ավելացել է երկու անգամ: Ամբողջ Կելլիով առաջարկվող խաղադրույքը հավասարվում է 15%-ի: Դուք հաշվելու եք ոչ թե ձեր ներկայիս գումարի (2000$) 15%-ը, այլ սկզբնական արժեքի: Եւ դա ամեն անգամ:

3.9. Զուգահեռ իրադարձությունների վրա խաղադրույքներ

Ամբողջ Կելլիի օգտագործման թերություններից մեկը հայտնվում է այն իրավիճակներում, երբ չի բավականացնում ձեր գումարը զուգահեռ իրադարձությունների վերաբերյալ խաղադրույքներ կատարելու համար:

Վերցնենք միաժամանակ սկսվող 5 հանդիպումներ:

Նրանցից յուրաքանչյուրի վրա խաղադրույքի առաջարկվող տոկոսները հետևյալն են.

— #1 իրադարձություն – 25%
— #2 իրադարձություն – 35%
— #3 իրադարձություն – 15%
— #4 իրադարձություն – 40%
— #5 իրադարձություն – 10%

Արդյունքում ստացվում է, որ ձեզ առաջարկված է խաղադրույք կատարել ձեր գումարի 125%-ը, որը անհնար է: Ինքներդ հասկանում եք, ինչու: Միակ որոշումը խաղադրույքի արժեքը համեմատականորեն նվազեցնելն է, որպեսզի արդյունքում ստանանք 100% կամ քիչ մասնաբաժին:

Անհարմարությունը կայանում է նրանում, որ այդ 5 իրադարձությունների վերաբերյալ ամբողջ բանկը խաղադրույք կատարելը հիմարություն կլինի, քանի որ մեկ պարտության դեպքում ձեր բանկը կդատարկվի, ինչպես նաև դուք խեղաթյուրում եք Կելլիի չափորոշիչի մեթոդով առաջարկվող տոկոսը:

Տվյալ պրոբլեմը անցնելու միակ միջոցը «մասնակի» Կելլի օգտագործելն է: Եվ այդ ժամանակ տարբերություն չկա, թե միաժամանակ որքան իրադարձությունների վերաբերյալ խաղադրույք կկատարեք: Այս դեպքում ձեր խաղադրույքի գումարը չի գերազանցի Ձեր հաշվի արժեքին: Բայց լինում են օրեր, որ հնարավոր է խաղադրույք կատարել եւ՛ 10, եւ՛ 20 եւ 30 իրադարձությունների վրա: Եւ այդ ժամանակ չի օգնի նաև այս մեթոդը:

3.10. Եվ այսպես, մենք ի՞նչ ենք առաջարկում

Օգտագործեք «մասնակի» Կելլիի մեթոդը խաղադրույքի 10% մասով, որը հաշվարկվել է ամբողջ Կելլիի մեթոդով: Այս ստրատեգիան կօգնի պահպանել ձեր գումարը եւ կթողնի մանեւրելու տարածություն: Դուք գործնականում կարող եք չսահմանափակել զուգահեռ խաղադրույքների քանակը:

Բերենք օրինակ: Ձեր գումարը կազմում է 5000$, դուք 2.60 գործակցով խաղադրույք եք կատարում թիմի հաղթանակի վրա, ընդ որում, ձեր կարծիքով հաղթանակի հավանականությունը կազմում է 50%:

Մեր կողմից առաջարկվող մեթոդով խաղադրույքի չափը հաշվարկվում է հետևյալ բանաձևով. (ձեր գումարը x մշտական տոկոս) x (խաղադրույքի արժեքայնություն/(խաղադրույքի գործակից — 1)):

(5000 x 0.1) x ((2.60 x 0.5 – 1) / (2.60 – 1)) = 93.75$

3.11. Ինքներդ փորձեք

Հիմա կան շատ ստրատեգիաներ, որոնք կարգավորում են խաղադրույքի արժեքը: Բայց հաճելի է կարծել, որ Կելլիի չափորոշիչ ստրատեգիան, մասնավորապես մասնակի Կելլին, համարվում է լավագույնը: Այն հաշվի է առնում եւ՛ խաղադրույքի արժեքայնությունը, եւ՛ արդյունքի հավանականությունը: Եվ այս ամենի հիմքում խորհուրդ է տրվում ձեր խաղադրույքի համար համապատասխան գումար ընտրել:

Օգտագործելով այն, Դուք կխուսափեք մեծ ռիսկերից: